BQO äkımı Ǧali Esqaliev toq soǧyp, ekı qolynan aiyrylǧan Amanjolǧa üş bölmelı päter syilady, dep habarlaidy "Adyrna" ūlttyq portaly.
Oblys äkımı baspasöz qyzmetınıŋ mälımetınşe, oblys äkımı Amanjolǧa protez daiyndau jūmysyn öz baqylauyna alǧan. Äkımdık bügınde medisinalyq ūiymdarmen kelıssözder jürgızıp, zamanaui protez jasau boiynşa kelısımge kelgen. Eŋ quanyştysy, balanyŋ jaǧdaiymen tanysqan ūiym basşylary protezdı aqysyz negızde daiyndau jönınde niet bıldırıptı. Bıraq protezdı şamamen 5-6 aidan keiın salu kerek. Al äzırge bal därıgerlerdıŋ jıtı baqylauynda.Köpbalaly otbasyǧa qolaily jaǧdai jasau maqsatynda Ǧali Esqaliev jergılıktı qūrylys kompaniiasynyŋ qoldauymen, köpbalaly otbasyǧa jaŋadan salynǧan üiden 3 bölmelı päter tabystaityn boldy. Jaŋa üi Amanjol em qabyldap jatqan auruhananyŋ audanynda ornalasqan, tūrǧyn üi jazdyŋ soŋynda tapsyrylady. Sondai-aq, oblys äkımı apparaty, basqa da mekemelerdıŋ qyzmetkerlerı Amanjoldyŋ otbasyna bır kündık jalaqylaryn audarady. Qosymşa qajettılık bolǧan jaǧdaida, jergılıktı bilık tarapynan jan-jaqty qoldau körsetılmek.
"Adyrna" ūlttyq portaly.
