«QazMūnaiGaz» ŪK AQ özınıŋ qyzmetın jürgızetın öŋırlerde äleumettık tūraqtylyqty saqtau maqsatynda Maŋǧystau oblysynyŋ äkımdıgımen jäne «Tatneft» JAQ-pen bırlesıp, aimaqtaǧy jūmyssyz azamattardy Tatarstan Respublikasyndaǧy Tatneft jobalaryna eŋbekke tartu jönındegı jūmysyn jalǧastyruda.
Tatneft ökılderı Maŋǧystau öŋırınıŋ, sonyŋ ışınde Jaŋaözen qalasynyŋ tūrǧyndarymen kezdesu ötkızdı. Jinalǧandarǧa bos oryndar turaly aitylyp, eŋbek jaǧdailary tüsındırıldı.
Tatneft kompaniiasy 500-ge tarta adamdy jūmyspen qamtuǧa daiyn, sonyŋ ışınde ūŋǧymalardy paidalanu jäne barlau, kürdelı jöndeu būrǧyşylary, būrǧyşynyŋ kömekşılerı, maşinist, slesar, elektr dänekerleuşı, kölık jürgızuşı jäne basqa da mamandardy jūmysqa qabyldaidy.
Sonymen qatar Tatneft kompaniiasy Oral jäne Aqtöbe qalalarynan jūmys ornyna deiın kölıkpen jetkızedı, jataqhana beredı, qajettı oqytu jäne qaita oqytu jürgızedı.Jūmysşylarǧa vahta ädısımen jūmys ısteu ūsynylyp otyr. Bır ai jūmys ıstep, bır ai demalady. Būl rette jūmysşylarǧa laiyqty jalaqy da tölenedı. Aitalyq, ūŋǧymany būrǧylau jäne kürdelı jöndeu salasyndaǧy ortaşa eŋbekaqy 78,5 myŋ rubl, mehanikalyq jabdyqty jöndeu salasynda – 52,5 myŋ rubl, al kölık jürgızuşılerdıŋ jalaqysy 55 myŋ rubldı qūraidy. Ortaşa jalaqy kölemınde vahtada bolatyn kezeŋdegı jäne vahtaaralyq demalysqa berıletın jalaqy qosa eseptelgen. Bügınde Maŋǧystau oblysyna qarasty audandar men qalalardan 500-den asa ümıtker ötınış berdı. Onyŋ 178 adamy ırıkteuden öttı. Jūmyssyz azamattardan ötınış qabyldau älı de jalǧasuda. Maŋǧystau oblysynyŋ jūmyspen qamtudy üilestıru jäne äleumettık baǧdarlamalar basqarmasy bergen aqparaty boiynşa taǧy 170 adam jūmys ornalasuǧa niet bıldırdı. Endı şılde aiynyŋ ortasynda ümıtkerlerdı ırıkteudıŋ ekınşı kezeŋı ötedı. Tatneft ökılderı ümıtkerlerdı ırıkteu jäne testıleudı Aqtau qalasynda ötkızedı. Būl ūlttyq kompaniianyŋ öŋırdegı äleumettık tūraqtylyqty saqtau baǧytyndaǧy jalǧyz bastamasy emes ekenın aita ketu kerek. Qazırgı uaqytta Maŋǧystau oblysyn äleumettık-ekonomikalyq damytudyŋ 2021-2025 jyldarǧa arnalǧan keşendı jospary aiasynda ūlttyq kompaniianyŋ qatysuymen öŋırde 425 mlrd teŋge somasyna eseptelgen 22 joba men ıs-şara josparlanǧan. Būl käsıporyndar toby men olardyŋ merdıger ūiymdarynda äleumettık tūraqtylyqty saqtau, investisiialyq jobalardy ıske asyru, jaŋa jūmys oryndaryn aşu, sondai-aq äleumettık jobalardy qarjylandyru şaralaryn qamtidy.
