Almatydaǧy atyşuly "Altyn Orda" bazarynyŋ töŋıregındegı dau basylar emes. Qoǧam belsendılerı säuır aiynda basşylyq auysqanymen, sauda ornynda zaŋ būzuşylyqtar tolastamai otyrǧanyn aitty, dep habarlaidy "Adyrna" ūlttyq portaly "Stan.kz"-ke sılteme jasap.
Nūr-Sūltanda BAQ ökılderınıŋ saualyna jauap bergen zaŋger Däuren Ǧabdul körşı elderden kelgen toptar bazardy özdıgınşe bölıp alyp, bilıgın jürgızetının aitady. Ondaǧy ünemı jazasyz qalatyn ūrlyq-qarlyq pen qoldan jasalǧan qymbatşylyqqa osy toptardyŋ qatysy bar deidı ol.
"Būl şaǧyn sauda orny emes, ırı logistikalyq torap. Almaty, Almaty oblysyn qamtamasyz etıp otyrǧan sauda orny. Būl kem degende 3 million tūtynuşysy bar startegiialyq nysan. Eger ol jerdıŋ jūmysynda aqau bolsa, būl ärqaisymyzdyŋ üstelımızdegı nanymyzǧa, jep otyrǧan etımızge deiın äser etedı. Sondyqtan "Altyn ordanyŋ" taǧdyry ärqaisymyzdy alaŋdatuy kerek", – dedı Däuren Ǧabdul.
Zaŋgerdıŋ sözınşe, osydan 3 ai būryn kelgen jaŋa qojaiyn bazardyŋ ortadaǧy adamdardyŋ qatysuymen köterıletın baǧalarǧa qatysty bylyqtaryn joiuǧa uäde etken.
"Altyn ordanyŋ" būrynǧy qūryltaişylarynyŋ üstınen 2017 jyly bazardy reiderlık jolmen tartyp aldy degen aryz tüsken bolatyn. Qazır sauda orynnyŋ eks basşylary biznes oşaǧyn qaitaryp almaqşy. Säuır aiynan bastap Altyn Ordada baǧa tömendedı me? Halyq ony sezıne aldy ma? Bız nenı küttık? Bazardyŋ basşylyǧy auysyp, bärı özgeredı, jalǧa aluşylar jaqsy ömır süre bastaidy, tauarlardyŋ baǧasy tüsedı dep oiladyq. Qoǧam arqyly tärtıp ornatuǧa mındettımız. Sebebı, basşylyqtyŋ auysqanynyŋ özı ülken kümän tuǧyzady", – deidı zaŋger.
Saudagerler tarapynan da köptegen şaǧym tüsıp jatqan körınedı. Olar "Altyn ordanyŋ" qazırgı qojaiyny tiıstı jūmystardy jürgıze almai jatqanyn aitqan. Al kompaniiada 95 paiyz ülesı bar astanadaǧy ekonomikalyq tergeu departamentınıŋ būrynǧy qyzmetkerı Erkebūlan Hamzinnıŋ qūryltaişylar qūramyna qalai kırgenı belgısız deidı zaŋger.
Zaŋsyzdyqtardy tızgen Ǧabdul būl mäselelerge bazardyŋ qazırgı ielerı jauap berıp, tärtıp ornatuǧa mındettı dep otyr.
"Adyrna" ūlttyq portaly
Basqalarmen bölıse
otyryŋyz
