Dariǧanyŋ küieuı zauytyn memleket menşıgıne berıptı. Qūlybaev Petrosan kompaniiasyn Ükımetke ötkızıptı degendı oqyp mässäǧan dep otyrmyn. Nazarbaevtar Qazaqstandy jekemenşık İPǧa ainaldyrypty ǧoi.
Maily, sübelı jerdıŋ bärın otbasynyŋ auyldasy, jienı, bölesı, küieubalalary bölısıp alǧan. Prokuror, sot, KNB, MVD bärı solardyŋ menşıgıne ötken edı. Toqaev äl äzır ol jaǧynan taza. Ötkende ǧana prezidenttıŋ tuysy memlekettık qyzmette otyrmau kerek dep edı. Arada köp ötpei elşılık qyzmettegı küieu balasy qyzmetten kettı.
Endı myna qymbatşylyqty eŋserıp berse. Negızı, qoimalarda azyq-tülık jaǧy jetkılıktı deidı. Bıraq, ol nege naryqqa şyǧarylyp, halyqqa arzan baǧada jetpei jatyr? Sol jaǧyn tekseru kerek sekıldı. Otyz jyl boiy halyqty tespei soryp kelgender oŋaişylyqpen bilıkten ketkısı kelmeitını tüsınıktı.
Qymbatşylyq arqyly halyqty qaita kötergılerı kelıp otyr ma? Sol jaǧyn qūzyrly oryndar nazarǧa alsa. Qaŋtar oqiǧasynyŋ qaitalanuyna halyq ta müldelı emes. Geosaiasi jaǧdai uşyǧyp tūrǧanda el ışınıŋ tynyştyǧy kerek.
"Adyrna" ūlttyq portaly
