«Özenmūnaigaz» AQ «QazMūnaiGaz» ūlttyq kompaniiasynyŋ qoldauymen jäne memlekettık organdarmen bırlesıp «Jarqyn bolaşaq» jobasyn ıske qosady. Atalǧan äleumettık jauapkerşılık joba aiasynda Jaŋaözendegı daryndy oquşylardyŋ elımızdıŋ üzdık mektep-internattary men kolledjderınde oquyna qoldau körsetıledı. Osy jyldan bastap ärı jyl saiyn 1000 juyq jaŋaözendık jastar naqty ǧylymdardy tereŋdetıp oqytudan bastap şyǧarmaşylyq jäne sporttyq talanttaryn damytuǧa deiın türlı baǧyttar boiynşa sūranysqa ie mamandyqtardy oquǧa mümkındık alady. Joba 2025 jylǧa deiın josparlanǧan. Osy kezeŋ ışınde 4 myŋǧa deiın oquşy bılımderın jetıldıre almaq.
«Jarqyn bolaşaq» jobasynyŋ maqsaty – sapaly bılım aluǧa qoljetımdılıktı qamtamasyz etu, oquşylardyŋ bılım sapasyn, sondai-aq olardyŋ eŋbek naryǧynda bäsekege qabılettılıgın arttyru.
Joba osy jyly 2 baǧyt, atap aitqanda oquşylardyŋ akademiialyq ūtqyrlyǧy jäne sūranysqa ie mamandyqtar boiynşa kolledjderde oquy boiynşa ıske qosylady. Būl rette respublikalyq mamandandyrylǧan mektep-internattarda oqu üşın memlekettık kvotalar bölu qarastyryluda. Al osy mektep-internattarda jäne kolledjderde aqyly negızde oqu Ūlttyq kompaniia esebınen jürgızıledı. Oqu aqysymen qosa, tūratyn oryny, jolaqy jäne basqa da şyǧyndar öteledı.
Jaŋaözendık oquşylar Qazaqstannyŋ türlı qalalary men aimaqtaryndaǧy mektep-internattar men tehnikalyq jäne käsıptık bılım beru mekemelerın (kolledjder) taŋdap, ırıkteuden öte alady. Bılım beru mekemelerınıŋ arasynda Aqmola oblysyndaǧy daryndy balalarǧa arnalǧan IQanat High School of Burabay mektep-pansionaty, QR ırı qalalaryndaǧy fizika-matematika baǧytyndaǧy joǧary bılıktı mektep-internattar, sport baǧytyndaǧy mektepter (olimpiadalyq rezerv mektepterı), QR ırı qalalaryndaǧy «Jas maman» baǧdarlamasy boiynşa jaŋǧyrtylǧan kolledjder, öner salasyndaǧy kolledjder jäne äskeri mektepter jäne «Jas ūlan» kolledjderı bar. Mektep-internattarǧa qabyldau jäne kolledjderge tüsu jasy oqu oryndarynyŋ ışkı erejelerımen retteledı.Būl rette oqu oryndarynyŋ bılım beru jüiesı, onyŋ ışınde jaily jataqhana, tamaqtanu obektılerı, medisinalyq qyzmet, bılıktı psihologiialyq-pedagogikalyq jäne basqa da qyzmetter barlyq talapqa sai boluy tiıs. Baǧdarlamaǧa serıktes bolǧan mektepter men kolledjderdıŋ arnaiy komissiialary Jaŋaözendegı balalar arasynan aldyn ala ırıkteu jūmystaryn jürgızedı. Sondai-aq mektep oquşylary men olardyŋ ata-analaryn oqu baǧdarlamalarymen tanystyru maqsatynda bılım beru mekemelerınıŋ järmeŋkelerı ötkızılmek. Aita ketsek, baǧdarlamaǧa qatysatyn mektepter men kolledjderdıŋ tızımı aldaǧy uaqytta keŋeitıletın bolady. Sondai-aq joba aiasynda kolledj tülekterın öŋırlerde jūmysqa ornalastyrudy qamtamasyz etu qolǧa alynbaq.
