Aqtöbe oblysynda memleket menşıgıne 20 myŋ gektardan astam jaiylymdyq jer qaitaryldy. Būl turaly Qobda audanynda ötken «AMANAT» partiiasy janyndaǧy «Jer amanaty» komissiiasynyŋ köşpelı otyrysynda aityldy.
Oblystyq auyl şaruaşylyǧy basqarmasynyŋ mälımetıne säikes, öŋırdegı barlyq jaiylymnyŋ jalpy kölemı 25 mln. ga jetedı. Olardyŋ köpşılıgı şalǧai audandarda ornalasqan, al jer uchaskelerı negızınen eldı mekenderdıŋ ainalasynda tapşy.
«Memleket basşysy jerdı özı de paidalanbaityn, özgege de bermeitın jer ielenuşıler bar ekenın bırneşe ret aitqan bolatyn. Osy mäselede ädıldıktı qalpyna keltıru — bızdıŋ komissiianyŋ basty mındetı. Būl baǧytta atqarylǧan jūmys nätijesı boiynşa bügın Aqtöbe oblysynda memleket menşıgıne 20 myŋ gektar jer qaitaryldy. Jūmys jalǧasyn tabady», - dedı «AMANAT» partiiasynyŋ Hatşysy Däulet Kärıbek.Atap aitqanda, Baiǧanin audanynda – 15 myŋ ga, Hromtau audanynda – 1,9 myŋ ga, Qobda audanynda – 2,1 myŋ ga, Äiteke bi audanynda – 149 ga, Qarǧaly audanynda – 876 ga, Aqtöbe qalasynda – 370 ga jaiylym memleket menşıgıne qaitaryldy.
Oblystyq auyl şaruaşylyǧy basqarmasynyŋ mälımetıne säikes, öŋırdegı barlyq jaiylymnyŋ jalpy kölemı 25 mln. ga jetedı. Olardyŋ köpşılıgı şalǧai audandarda ornalasqan, al jer uchaskelerı negızınen eldı mekenderdıŋ ainalasynda tapşy.
«Oblystyŋ jeke qosalqy şaruaşylyqtarda 314,8 myŋ bas mal tırkelgen. Olardy jaiu üşın şamamen 105 myŋ ga jetıspeidı. Būl mäsele äsırese, Alǧa, Märtök, Temır audandarynda jäne Aqtöbe qalasynda özektı. Qazırdıŋ özınde jerdı jön-josyqsyz paidalanǧandardyŋ tızımı 244-ke jettı. Materialdar qūzyrettı organdarǧa joldandy», – dep mälımdedı basqarma basşysy İsatai Espaǧanbetov.Eske sala keteiık, partiia janynan «Jer amanaty» komissiiasy qūrylǧan bolatyn. Soŋǧy bırneşe ai ışınde komissiianyŋ küşımen Qaraǧandy, Jambyl jäne Türkıstan oblystaryndaǧy 140 myŋ gektardan astam jaiylymdyq jer memleket menşıgıne qaitaryldy.
