Prezident Qasym-Jomart Toqaev Almaty qalasynyŋ äkımı Erbolat Dosaevty qabyldady, dep habarlaidy «Adyrna» tılşısı Aqordaǧa sılteme jasap.
Memleket basşysyna Almaty qalasynyŋ biylǧy qaŋtar-mamyr aralyǧyndaǧy äleumettık-ekonomikalyq jaǧdaiy turaly esep berıldı. Sondai-aq qala äkımı ekonomikanyŋ tūraqty ösımın qamtamasyz etuge qatysty Prezident tapsyrmalarynyŋ oryndalu barysy jönınde baiandady. Onyŋ aituynşa, qysqa merzımdı ekonomikalyq indikator 107,6 paiyzǧa deiın ösken, negızgı kapitaldaǧy investisiialardyŋ ösımı 20,9 paiyzdan asqan, sauda-sattyq qalpyna keltırılgen, jūmys ıstep tūrǧan şaǧyn jäne orta biznes subektılerınıŋ sany 19,5 paiyzǧa artqan.
Qasym-Jomart Toqaevqa «Almaty qalasynyŋ 2025 jylǧa deiıngı damu josparynyŋ negızgı basymdyqtary jäne 2030 jylǧa deiıngı orta merzımdı perspektivalar» jobasy ūsynyldy.Memleket basşysyna Abai daŋǧylynyŋ oŋtüstıgınde, tauly jäne tau bökterındegı aimaqtarda 9 qabattan biık ǧimarattardyŋ qūrylysyn jürgızuge tyiym salatyn jaŋa erejelerdıŋ qabyldanuy, sondai-aq injenerlık infraqūrylymdy jaŋartu jospary turaly mälımet berıldı. Erbolat Dosaev maŋyzdy äleumettık mäselelerdı şeşuge, onyŋ ışınde «Almaty jastary» baǧdarlamasy aiasynda jūmys ısteitın jastarǧa tūrǧyn üi satyp aluǧa, medisinalyq-äleumettık mekemelerde tamaqtandyru sapasyn arttyruǧa, sirek kezdesetın aurulardy tegın därı-därmekpen qamtamasyz etuge, balalarǧa arnalǧan sport seksiialary men şyǧarmaşylyq üiırmelerın qarjylandyruǧa qarajat bölıngenın jetkızdı. Kezdesu soŋynda Prezident Almaty qalasyn odan ärı damytu jäne tūrǧyndardyŋ tūrmys sapasyn arttyru jönınde bırqatar tapsyrma berdı.
