Kıikti atý jóninde sheshim shyqqan eken. Demek, ol endi atylady. Atylǵanda da onyń etin eshkim paıdalana almaıdy. Óıtkeni, bizdiń elde onyń etin paıdalanýdyń eshqandaı standarty belgilenbegen eken(Ol jaıly kúni boıy zerttegendikten naqty aıtyp otyrmyn).
Iaǵnı, atylǵan kıiktiń etin ne bazarda sata almaısyń. Ne "Jetimder úıine" bere almaısyń. Ne shujyq ehtaryna bere almaısyń. Qysqasy, atylǵan jerinde borsyp qalady. Ne bolmasa atqandardyń aǵaıyn-týysy bir "shala baıyp" qalady.
Kóbeıip ketken kıikterdi paıdalanýdyń ekinshi joly bar eken. Eń tıimdi joly - Bizdiń kıikterdi álemdik Zooparkter men tabıǵı parkterge satý. Ony satýdyń bir ǵana joly jáne bir ǵana quzireti bar mekeme bar eken. Ol - Shymkent Zooparki. Olardyń fýnkıonaldy qyzmet erejelerine engizilgen. Bul jaıly búgin Shymkent Memlekettik Zoologııalyq Saıabaǵynyń dırektory Nurǵazy Buharbaı aǵamyzdy arnaıy izdep baryp erejelerimen tanysqanymda, Nurǵazy aǵamyz da osyndaı oıdaǵy hatyn tıisti organdarǵa ázirlep jatyr eken. Demek, bizderde ózimiz kóbeıtken kıikterdi tabys kózine aınaldyrýǵa bolatyn osyndaı tıimdi joly bar. Nege sony paıdalanbasqa?!
Bizdiń kıikterdiń arqanyń shóldi-shóleıtti jerleri men qaqaǵan qysyna tózimdiligi, olardyń Kanadanyń qysynan bastap Afrıkanyń shóline deıin shydaıtynyna eshkimniń shúbási bolmas. Álemniń Ulttyq tabıǵı parkteri men Zooparkterinde úlken suranysqa ıe bolatynyna senimdimin.
Úkimettiń qazirgi "artyq" dep shyǵaryp otyrǵan 80 myń basyn, jyl saıyn 5-10 myńnan satyp otyryp-aq retteýge bolady.
Ári, ózimizde sany azaıyp jatqanda ózge jaqtan ákelip te toltyrýymyzǵa múmkindik beredi.
Sol kıikterdi qorǵaýdyń ózi bıýdjetke qanshama qaıtarymsyz shyǵyn bolýda. Búgingi taralǵan aqparat boıynsha mınıstirlik kıikterdi atýǵa 800 mln t qarjy bólmek kórinedi. Nege sol shyǵyndarymyzdy osyndaı alternatıvti joldarmen ózin-ózi jaýyp otyrmasqa?!
Bul usynystyń taǵy bir paıdasy - Ózge eldiń Ulttyq parki men Zooparkindegi bizdiń kıikterdi tanystyrǵanda Qazaqtsannyń da aty aıtylady. Jer-sýy tanystyrylady. Bul degenimiz - Elimizdiń qosymsha jarnamasy.
Nurǵazy aǵamyz jaqyn kúnderi tıisti organdarǵa usynys hat joldaıtynyn jetkizdi. Buıyrsa, halyq qoldap jatsa, ár basyn tirideı 500$-dan satsaq ta Qazaqtyń qazynasyna qarjy túsirip otyrýǵa múmkindik beretin joly qalyptasýy múmkin.
Sondyqtan, Qazaqstandaǵy kıikterdiń atylýyna qarsy azamattar osy usynysymdy qoldaıdy dep úmittenemin.
