Atqannan satqan jaqsy

Kiıktı atu jönınde şeşım şyqqan eken. Demek, ol endı atylady. Atylǧanda da onyŋ etın eşkım paidalana almaidy. Öitkenı, bızdıŋ elde onyŋ etın paidalanudyŋ eşqandai standarty belgılenbegen eken(Ol jaily künı boiy zerttegendıkten naqty aityp otyrmyn). Iаǧni, atylǧan kiıktıŋ etın ne bazarda sata almaisyŋ. Ne "Jetımder üiıne" bere almaisyŋ. Ne şūjyq sehtaryna bere almaisyŋ. Qysqasy, atylǧan jerınde borsyp qalady. Ne bolmasa atqandardyŋ aǧaiyn-tuysy bır "şala baiyp" qalady. Köbeiıp ketken kiıkterdı paidalanudyŋ ekınşı joly bar eken. Eŋ tiımdı joly - Bızdıŋ kiıkterdı älemdık Zooparkter men tabiǧi parkterge satu. Ony satudyŋ bır ǧana joly jäne bır ǧana qūzıretı bar mekeme bar eken. Ol - Şymkent Zooparkı. Olardyŋ funksionaldy qyzmet erejelerıne engızılgen. Būl jaily bügın Şymkent Memlekettık Zoologiialyq Saiabaǧynyŋ direktory Nūrǧazy Būharbai aǧamyzdy arnaiy ızdep baryp erejelerımen tanysqanymda, Nūrǧazy aǧamyz da osyndai oidaǧy hatyn tiıstı organdarǧa äzırlep jatyr eken. Demek, bızderde özımız köbeitken kiıkterdı tabys közıne ainaldyruǧa bolatyn osyndai tiımdı joly bar. Nege sony paidalanbasqa?! Bızdıŋ kiıkterdıŋ arqanyŋ şöldı-şöleittı jerlerı men qaqaǧan qysyna tözımdılıgı, olardyŋ Kanadanyŋ qysynan bastap Afrikanyŋ şölıne deiın şydaitynyna eşkımnıŋ şübäsı bolmas. Älemnıŋ Ūlttyq tabiǧi parkterı men Zooparkterınde ülken sūranysqa ie bolatynyna senımdımın. Ükımettıŋ qazırgı "artyq" dep şyǧaryp otyrǧan 80 myŋ basyn, jyl saiyn 5-10 myŋnan satyp otyryp-aq retteuge bolady. Ärı, özımızde sany azaiyp jatqanda özge jaqtan äkelıp te toltyruymyzǧa mümkındık beredı. Sol kiıkterdı qorǧaudyŋ özı biudjetke qanşama qaitarymsyz şyǧyn boluda. Bügıngı taralǧan aqparat boiynşa ministırlık kiıkterdı atuǧa 800 mln t qarjy bölmek körınedı. Nege sol şyǧyndarymyzdy osyndai alternativtı joldarmen özın-özı jauyp otyrmasqa?! Būl ūsynystyŋ taǧy bır paidasy - Özge eldıŋ Ūlttyq parkı men Zooparkındegı bızdıŋ kiıkterdı tanystyrǧanda Qazaqtsannyŋ da aty aitylady. Jer-suy tanystyrylady. Būl degenımız - Elımızdıŋ qosymşa jarnamasy. Nūrǧazy aǧamyz jaqyn künderı tiıstı organdarǧa ūsynys hat joldaitynyn jetkızdı. Būiyrsa, halyq qoldap jatsa, är basyn tırıdei 500$-dan satsaq ta Qazaqtyŋ qazynasyna qarjy tüsırıp otyruǧa mümkındık beretın joly qalyptasuy mümkın. Sondyqtan, Qazaqstandaǧy kiıkterdıŋ atyluyna qarsy azamattar osy ūsynysymdy qoldaidy dep ümıttenemın.