Teŋız kenışındegı jarylystan qaitys bolǧan ekı jūmysşynyŋ nesiesı jabylady. Būl turaly «Senımdı qūrylys» kompaniiasynyŋ öndırıstık qatynastar jönındegı menedjerı Gülmira Batpanova mälım ettı.
«Ekı ärıptesımız qaitys bolǧan qaiǧyly jaǧdai bızge auyr tidı. Marqūmdardyŋ otbasyna qaiǧyryp köŋıl aitamyz. Bızdıŋ kompaniiada mūndai oqys oqiǧa bırınşı ret tırkelıp otyr. Qaitys bolǧan ekı ärıptesımızdıŋ otbasyna barlyq kömektı körsetemız. Qazır «Teŋızşevroil» JŞS men oblystyq memlekettık eŋbek inspeksiiasy basqarmasynyŋ qyzmetkerlerı kırgen bırlesken komissiia qūryldy. Däl qazır jarylysqa ne sebep bolǧanyn aita almaimyz. Tekseru komissiiasyna qajettı qūjattardyŋ bärın berdık», - dep habarlady Gülmira Batpanova.Onyŋ aituynşa, jarylystan qaitys bolǧan ekı jūmysşynyŋ da jasy 37-de bolǧan. «Senımdı qūrylys» JŞS olardyŋ otbasyna materialdyq kömek körsetedı.
«Kompaniia marqūmdardy soŋǧy saparǧa şyǧaryp saluǧa jūmsalatyn barlyq materialdyq şyǧyndy öz moinyna aldy. Sonymen qatar, olardyŋ barlyq qaryzdary men nesielerın jabu, balalarynyŋ oqu aqysyn töleu turaly şeşım qabyldandy. Bügın qajettı ırı qara mal satyp aluǧa 500 myŋ teŋgeden qarjy aparyp berdık. Aldaǧy uaqytta būl otbasylarǧa kömektesudı mındetımızge alamyz», - dedı Gülmira Batpanova.Qazır «Senımdı qūrylys» JŞS-nıŋ öndırıstık nysanyndaǧy jūmys ışınara toqtatylǧan. Jūmysşylar üiıne jıberılgen. Qaiǧyly oqiǧa vahtalyq auysymnyŋ aiaqtaluyna ekı kün qalǧanda bolǧan. Eske sala ketelık, būǧan deiın Teŋız ken ornynda jarylys bolyp, ekı adam qaza tapqanyn, keiın zardap şekkenderge materialdyq kömek körsetıletının jazǧan edık.
“Adyrna” ūlttyq portaly
