Bügın Qūrban ait merekesı künı elordalyq volonterler äleumettık az qamtylǧan otbasylar men mūqtaj jandarǧa et taratty dep habarlady “Adyrna” ūlttyq portaly elorda äkımdıgınıŋ resmi saityna sılteme jasap.
Nūr-Sūltan qalasy äkımdıgı jäne «Astana jastary» JRO volonterlerı jäne avtovolonterlerınıŋ ūiymdastyrumen äleumettık az qamtylǧan otbasylarǧa jäne mūqtaj jandarǧa et taratyldy.
«Qūrban ait merekesıne orai Nūr-Sūltan qalasynyŋ belsendı jastary, qala tūrǧyndary, audandyq äkımdıkterdıŋ, qalalyq basqarmalardyŋ ökılderı bırıge otyryp, üş kün boiy mūqtaj azamattarǧa et taratudy ūiymdastyryp jatyrmyz. Bügıngı ıs-şaraǧa volonterler men avtovolonterler qatysyp otyr. Olardyŋ jalpy sany 500-den asady. Būl ıs-şara äkımdıktıŋ qoldauymen soŋǧy bes jylda tūraqty türde jüzege asyrylyp kele jatyr», – dedı «Jastar saiasaty mäselelerı basqarmasy» MM bölım basşysy. Aian Ermentaev.Būl ıs-şaranyŋ basty maqsat – qasiettı merekede mūsylmandyq paryzdy oryndau, mūqtaj jandarǧa kömektesu. Atalǧan igı ıstıŋ basy-qasynda jürgen jandardyŋ bırı – volonter Damir Aitymov.
«Qūrban ait merekesıne orailastyrylyp ötkızıp jatqan būl ıs-şaranyŋ sauaby mol. Qūrbandyqqa şalǧan mal etınıŋ bır bölıgın äleumettık az qamtylǧan otbasylar men mūqtaj jandarǧa taratyp berıp jatyrmyz. Köŋıl-küiımız keremet. Osynda igı ıske atsalysqanyma quanyştymyn», – deidı volonter Damir Aitymov.
”Adyrna” ūlttyq portaly
