«Aq jol» partiiasynyŋ deputattary, halyqpen kezdesulerın jalǧastyruda.
2022 jyldyŋ 8 şıldesınde QR Parlamentı Mäjılısınıŋ deputaty Qazybek İsa Şymkent qalasynda ornalasqan Türkıstan oblystyq «Qarttar men mügedekter üiı» mekemesıne bardy.
Būl mekeme 1965 jyly aşylǧan. Mekemede 170 adam panalaidy. Mekemede tūryp jatqandarǧa 4 mezgıl ystyq tamaq berıledı, arnauly üiırmeler jūmys ısteidı, kıtaphanasy bar, psihologtar qariialarmen tyǧyz jūmys jasauda. Osy mekemede «Aq jol» demokratiialyq partiiasynyŋ eŋ belsendı müşesı, eŋ jasy ülken bloger Mämbet Qūrmanbaev ömır süredı. Bır neşe jyldar boiy «Qarttar üiı» Mämbet aǧamyz üşın qara şaŋyraqqa ainalǧan.
«Qarttar men mügedekter üiı» mekemesı Şymkent qalasynda ornalasqanymen Türkıstan oblysyna qarasty. Būl mekemede osy künge deiın gaz mäselesı şeşılmegen, qysta kömır jaǧylady. Osy mäsele boiynşa «Qarttar üiınıŋ» äkımşılıgı öz tarapynan QR Parlamentı Mäjılısınıŋ deputaty Qazybek İsaǧa hat joldap, gaz mäselesın şeşıp beru turaly ötınış jasaǧan. Öz tarapynan halyq qalaulysy QR Energetika ministrlıgıne jäne Şymkent qalasynyŋ Äkımıne hat joldaǧan. Köp ūzamai mäsele oŋ şeşımın tauyp «Qarttar üiı» qysta gazben jylytylatyn boldy. «Qarttar men mügedekter üiınıŋ» direktory Şarbat Şyrynbekova: “15 jyldan berı gaz qosamyz dep, qolymyz jetpei jür edı. Mäjılıs deputaty, “Aq jol” fraksiiasy müşesı Qazybek İsanyŋ yqpalymen būl mäsele şeşıletın bolatyn boldy. Qazır 3 million teŋge tūratyn tehnikalyq qūjattar tegın jasalynyp berıldı, tamyz aiynda gaz qūbyrlaryn da tegın ornatyp beretın boldy. Küzge qarai gaz da kelıp qalady dep josparlaudamyz. Parlamentte halyq sözın söilep otyrǧan Azat Peruaşev bastaǧan
Aqjoldyq deputattarǧa Aq jol tıleimız!” dep şyn rizalyǧyn, aqjarma tılegın bıldırdı.
-“Aq jol” fraksiiasy hatyn jerde qaldyrmaǧan, äleumettık jauapkerşılık körsetıp otyrǧan Energetika ministrlıgıne, “Qazaqgaz” ben “QazTransGaz” basşylyǧyna köp rahmet aitamyz. Onda sızderge qūdai qalasa, küzde endı kömırdıŋ emes… gazdyŋ şaiyn ışuge taǧy keletın boldyq”-dep deputat eldı bır küldırdı. Qūrban ait merekesı qarsaŋynda qartttardyŋ jaǧdaiyn sūrap, qūttyqtap, mäselenıŋ mänısın, oryndaluyn öz közımen köru üşın kelgenın jetkızdı. Mekeme direktory Şarbat Şyrynbekovany «Aq jol» QDP töraǧasy A. Peruaşevtyŋ atynan arnaiy «Diplommen», al Mämbet Qūrmanbaevty «Alǧys hatymen» marapattady.
Kezdesu barysynda qariialar men mügedekter özderın mazalaityn sūraqtar qoiyp, tiıstı jauaptaryn aldy.
Eŋ bırınşı söilegen mekeme tūrǧyny, ūlty orys Ruslan Romanov qazaq tılınde söilegen deputat Qazybek İsanyŋ Memleketttık tıl mäselesın köterıp jürgenıne rahmet aityp, qoldau bıldırdı. Memlekettık tıl mäselesı äldeqaşan şeşıletın uaqyt bolǧanyn aitty.Ruslan Romanovtyŋ qazaqşa maiyn tamyzyp söilegenıne riza bolǧan deputat Qazybek İsa:
-Mıne, memlekettık tıl mäselesın şeşu turaly osynda otyrǧan sızderdıŋ osyndai oilaryŋyz ben bızdı qoldaularyŋyzǧa köp rahmet, būl bızge quat beredı. Al osyndai oi otyz jyldan berı joǧaryda otyrǧan bızdıŋ bilıktegı şetterınen şetel tılınde söileitın şeneunıkterımızge jetpei jatyr älı. Qazaqşa osylai qatyryp söilep, ülgı bola berıŋız, bızdıŋ memlekettık tılde bılmese de, memleket qyzmetınde jürgen ministrler men äkımderge!”-dep qatty rizalyǧyn bıldırdı.Bır jaqsysy būl mekemedegı özge ūlt ökılderınıŋ köbısı memlekettık tılde söileidı eken! Odan keiın söilegender de özderınıŋ zeinetaqylarynyŋ 70 paiyzy mekemede qalatynyn, sony 50 paiyzǧa tüsıruın, äielderdıŋ zeinetaqy jasyn 58-ge tüsıruın, mügedekterge berıler därı-därmek pen kölık mäselesınıŋ şeşıluı sekıldı mäselelerdı sūrady. Deputat būl äleumettık mäselelerdıŋ “Aq jol” fraksiiasynda qaralyp, ükımetke jıberıletının aitty. Jiyn soŋynda Şärbat Şyrynbekova Qazybek İsaǧa Qarttar men mügedekter üiı atynan Alǧystary retınde mekemenıŋ tūrǧyny Vasilii Varnakov atty qart suretşınıŋ maily boiaumen salǧan Prezidentımız Q.Toqaevtyŋ portretın syiǧa tartty. Razylyǧyn bıldırgen aqyn deputat suretşınıŋ qolyn alyp, portret öner şyǧarmasy retınde jaqsy salynǧanyn, öitkenı özınıŋ de mamandyǧy suretşı ekenın, QazPİ-dıŋ körkemsuret-grafika fakultetın bıtırgenın aitty.
Būdan basqa halyq qalaulysy “Aq jol” partiiasy Şymkent qalasy filialy töraǧasy Älımhan Äbjanov jäne partiia belsendılerımen bırge «Qarttar üiın» aralap, olardyŋ tūrmys-tırşılıgımen tanysyp, oŋ baǧa berdı. Qariialar oǧan qaita-qaita aq batalaryn berıp, rizaşylyqtaryn bıldırdı : «Bızdıŋ mekemege de QR Parlamentı Mäjılısınıŋ deputaty keledı eken-au»-dep taŋ qalyp, Aq jol tılep şyǧaryp saldy.
“Adyrna” ūlttyq portaly
