Bügın qazaqstandyq tennisşı Elena Rybakina Premer-Ministr Älihan Smaiylovpen kezdestı, dep jazady "Adyrna" ūlttyq portaly.
Ükımet basşysy Elena Rybakinaǧa QR Prezidentınıŋ Jarlyǧymen sporttaǧy asa üzdık jetıstıkterı jäne halyqaralyq yntymaqtastyqty damytuǧa qosqan ülesı üşın berılgen II därejelı «Dostyq» ordenın tabys ettı.
«Barlyq qazaqstandyq Sızdıŋ älemnıŋ eŋ ataqty tennisşılerımen saiystaryŋyzdy baqylap otyrdy. Ülken dulyǧa turnirınde jeŋıske jetıp, Sız otandastarymyzdyŋ ümıtın aqtadyŋyz, sondai-aq Qazaqstanda tennistı därıpteuge baǧa jetpes üles qostyŋyz. Sızdıŋ jeŋısıŋız jas sportşylardy yntalandyra tüsedı dep senemın», — dedı Älihan Smaiylov.Qazaqstandyq tennisşı jülde qarajatynyŋ bır bölıgın elımızde qaiyrymdylyqqa jäne iuniorlardy qoldauǧa jūmsaitynyn aitty.
«Menıŋ oiymşa, turnir ūiymdastyrǧan nemese jas oiynşylarǧa grant taǧaiyndaǧan dūrys bolady. Sebebı men mūnda zor qoldauǧa ie boldym. Endı jas buynnyŋ damuyna menıŋ kömektesetın kezegım», – dedı Elena Rybakina.Sondai-aq sportşy qarajattyŋ bır bölıgın januarlarǧa kömektesuge jūmsaudy josparlap otyr.
«Bırneşe künnen keiın AQŞ-ta ötetın turnirlerge daiyndala bastaimyn. Biylǧy maqsat – älemdık reitingtıŋ TOP-10 qataryna kıru. Basty maqsat – bırınşı bolu. Men būǧan ūmtylamyn jäne bar küş-jıgerımdı salamyn», — dedı Uimbldon-2022 jeŋımpazy
