Twitter Ilon Maskty sotqa berdi

2326
Adyrna.kz Telegram

Twitter kompanııasy Ilon Maskty 44 mıllıard dollarǵa kompanııany satyp alý kelisimin aıaqtaý úshin sotqa berdi, - dep habarlaıdy "Adyrna" tilshisi Reuters agenttigine silteme jasap.

Shaǵym AQSh-tyń Delaver shtatynyń kanerlik sotyna jiberildi.

«Tvıtter Maskty odan ári zań buzýǵa jol bermeý, Maskty óziniń zańdy mindettemelerin oryndaýǵa májbúrleý jáne birneshe oryndalmaǵan sharttar bolsa, biriktirýdi aıaqtaýǵa májbúrleý úshin osy sot isin qozǵap otyr», - delingen qujatta.

Eske salaıyq, shildeniń basynda Mask Twitter-di satyp alý týraly 44 mıllıardtyq kelisimdi buzǵan bolatyn.

Budan buryn habarlanǵandaı, kelisim sharttaryna sáıkes Mask satyp alýdan bas tartsa, bir mıllıard dollar tóleýi kerek edi.

Osyǵan deıin Tesla men SpaceX negizin qalaýshy kompanııa jalǵan akkaýnttardyń, sonyń ishinde bottar men spam jiberý úshin paıdalanylǵandardyń sany olardyń jalpy sanynyń 5 paıyzynan aspaıtynyn dáleldemese, kelisimnen shyǵamyn dep qorqytqan.

"Adyrna" ulttyq portaly

Pikirler