Memleket basşysynyŋ avtomobil joldarynyŋ sapasyn jaqsartu jönındegı tapsyrmasyna säikes QR İndustriia jäne infraqūrylymdyq damu ministrlıgı jol salasyndaǧy baqylaudy küşeituge, sondai-aq beiındı normativtık aktılerdı özektendıruge baǧyttalǧan bırqatar jüielı şaralar daiyndady.
Atap aitqanda, kölık mäselelerı boiynşa zaŋ jobasy äzırlendı, ol «Jol aktivterı Ūlttyq sapa ortalyǧy" RMK arqyly eldı mekenderdegı joldardy jöndeu sapasyna mındettı saraptama engızudı közdeidı. Ol normativterge säikestıkke, sondai-aq kepıldık kezeŋınde aqaulardyŋ paida boluy üşın tehnikalyq qadaǧalau men jobalau ūiymdarynyŋ ortaq jauapkerşılıgın beretın bolady.
Aita ketu kerek, bügıngı taŋda joldardy paidalanuǧa bergennen keiın tehnikalyq qadaǧalau men jobalau ūiymdary sapasyz jobalyq şeşımder men aqaular anyqtalǧan jaǧdaida jauap bermeidı.
Qazırgı uaqytta zaŋ jobasy QR Parlamentı Mäjılısınıŋ qarauynda jatyr.
Būdan basqa, ministrlık avtojol salasyndaǧy normativterdıŋ özın de özektendıredı, olardyŋ sany 1200-ge juyq. Olar jūmystardy jürgızudı ūiymdastyrudy, sapany, mazmūndy jäne t.b. baqylau mäselelerın retteidı, osy qūjattar boiynşa halyqaralyq täjıribe men tehnologiialardy, sondai-aq qazırgı zamanǧy materialdardy qoldanudy eskere otyryp, olardy qaita öŋdeu boiynşa jūmys jürgızıledı.
QR İİDM qosymşa yntalandyru şarasy retınde jol sapasy boiynşa oblys äkımdıkterınıŋ reitingın anyqtau ädıstemesı äzırlendı. Ony jyl soŋyna deiın bekıtu josparlanuda.
Esterıŋızge sala keteiık, bügıngı taŋda Qazaqstanda jalpy qoldanystaǧy avtomobil joldarynyŋ ūzyndyǧy 157 myŋ şaqyrymdy qūraidy. Onyŋ ışınde 25 myŋ şaqyrym respublikalyq maŋyzy bar jol, 71 myŋ şaqyrym jergılıktı maŋyzy bar jol jäne 61 myŋ şaqyrym eldı mekender köşelerınıŋ joly.
“Adyrna” ūlttyq portaly
