Májilistiń eks-spıkeri Nurlan Nyǵmatýlınniń uly Nurhan Nurlanovtyń 10 shilde kúni belgisiz bireýlermen birge mıneraldy tyńaıtqyshtar zaýytynyń ǵımaratynan shyǵyp ketkenine kýágerler kóp, dep habarlaıdy "Adyrna" saıty orda.kz-ke siltep.
Alaıda kompanııanyń baspasóz qyzmeti jumys ornyndaǵy tintý men kásipkerdiń ustalǵanyn rastamady.
Qarjy monıtorıngi agenttigi Jambyl oblysy boıynsha oblystyq departamentte sotqa deıingi tergeý júrip jatqanyn habarlady.
«2022 jylǵy 13 shildede Jambyl oblysy boıynsha Ekonomıkalyq tergeý departamenti Qazaqstan Respýblıkasy Básekelestikti qorǵaý jáne damytý agenttiginiń Jambyl oblysy boıynsha departamentiniń qorytyndysy negizinde sotqa deıingi tergep-tekserýdi bastady. «Qazfosfat» JShS basshylyǵyna joǵary baǵa belgileý jáne ustap turý arqyly ózderine zańsyz kiris alý arqyly monopolııalyq jaǵdaıdy teris paıdalaný faktisi Qazaqstan Respýblıkasy Qylmystyq kodeksiniń 221-baby (monopolıstik qyzmet – Red.) boıynsha «ammofos» satýda» delingen habarlamada.
