«QazMūnaiGaz» ŪK AQ (būdan ärı – QMG) Basqarma töraǧasy Maǧzūm Myrzaǧaliev şıldenıŋ 15-ı künı mūnai öŋdeu zauyttarynda (MÖZ) jospardan tys toqtap qalular men oqys oqiǧalardy aldyn alu jönınde jiyn ötkızdı.
Kompaniia töraǧasy, QMG mūnai öŋdeu blogynyŋ jäne otandyq MÖZ basşylary QR Prezidentı Qasym-Jomart Toqaevtyŋ Ükımettıŋ keŋeitılgen otyrysynda bergen tapsyrmalaryn oryndau mäselelerın talqylady.
M.Myrzaǧaliev el Prezidentı MÖZ qyzmetın bırneşe ret synǧa alǧanyn atap aitty. Şıldenıŋ 14-ı künı Memleket basşysy Ükımettıŋ keŋeitılgen otyrysynda MÖZ-derdegı jospardan tys toqtap qalulardyŋ saldarynan jekelegen kezeŋderdegı mūnai önımderınıŋ tapşylyǧy mäselesıne toqtaldy.
«Zauyttar menedjmentı öndırıs prosesınıŋ kürdelılıgıne jäne kez kelgen öndırıste siiaqty ştattan tys jaǧdaidardyŋ saqtalyp otyrǧan qauıpıne qaramastan, oqys oqiǧalar üşın qaşanda jauapty bolady. Mūnai öŋdeu zauyttarynyŋ basşylary būl mäselenı ünemı qataŋ baqylauda ūstap, qandai da bır qauıp-qater kezınde şūǧyl türde tiıstı şaralar qabyldauǧa tiıs», - dedı ūlttyq kompaniia basşysy.Atyrau, Şymkent jäne Pavlodar mūnai öŋdeu zauyttarynyŋ basşylary oqys oqiǧalardy aldyn alu jäne jabdyqtyŋ berıktıgın arttyru boiynşa qolǧa alynǧan şaralar turaly esep berdı. Sonymen qatar zauyttar menedjmentı QMG basşylyǧyna 2020-2021 jyldary jäne 2022 jyldyŋ bırınşı jartyjyldyǧynda öndırıste bolǧan oqys oqiǧalar men toqtap qalulardyŋ taldauyn ūsyndy. Olardyŋ bergen mälımetı boiynşa, 2020-2021 jyldary barlyq üş MÖZ-de toqtap qaludyŋ 401 faktısı tırkelgen: AMÖZ-de 341, onyŋ 60-y oqys oqiǧa, PMHZ – 13, onyŋ 10 oqys oqiǧa, PQOP-ta – 47, onyŋ 11-ı oqys oqiǧa. Taldauda MÖZ-derdıŋ josparly toqtap qalulary esepke alynbady. Jiyn soŋynda mūnai öŋdeu zauyttarynyŋ tūraqty jūmysyn arttyru üşın şaralardy küşeitu boiynşa şeşımder qabyldandy jäne ūsynystar engızıldı. Būdan bölek, MÖZ-der üşın satyp alu erejelerın jetıldırudı jalǧastyru, sondai-aq qoimada qosalqy bölşekter men şyǧyn materialdar qorynyŋ kepıldıktı rezervın qamtamasyz etu qajettılıgı atap ötıldı. Anyqtama: Oqys oqiǧa degenımız käsıporyn jūmysynyŋ ışkı sebepterıne bailanysty bolǧan ştattan tys oqiǧa. Ol öndırıs josparynyŋ ortaşa ailyq oryndaluyna kerı äser etedı.
