16 shilde kúni Ystyqkólde Bulan-Sogotý (Komsomol) aýylynda jeńil atletıkadan qazaqstandyq jattyqtyrýshy Murat Júzgenbaevty kólik qaqqany belgili boldy, dep habarlaıdy “Adyrna” ulttyq portaly.
Oqıǵa kýágerleriniń aıtýynsha, er adam júgirý kezinde tárbıelenýshisiniń janynda velosıpedpen ilesip júrgen. Qyz bala aman qaldy.
Ystyqkól oblystyq IIB baspasóz qyzmeti jol apaty tańǵy saǵat 7:40 shamasynda bolǵanyn habarlady. Kezekshi bólimge Bulan-Sogotý jáne Bosterı aýyldary arasynda jol apaty bolǵany týraly telefon habarlamasy kelip tústi.
"Oqıǵa ornyna shyqqan jedel tergeý toby Bishkektiń 41 jastaǵy turǵyny mingen Lexus-330 avtokóligi Balyqchy-Ananevo-Karakól avtojolynyń 97-shi shaqyrymynda Grıgorevka aýylynyń 40 jastaǵy turǵyny rólde otyrǵan "Nıssan - Mıkra " avtokóligimen búıirden soqtyǵysqanyn anyqtady. Odan keıin jol jıeginde kele jatqan 58 jastaǵy qazaqstandyq velosıpedshi Murat Júzgenbaevty qaǵyp ketken. Jol apatynyń saldarynan Qazaqstan azamaty oqıǵa ornynda kóz jumdy", - dep habarlady aımaq polıııasy.
Barlyq jınalǵan materıaldar quqyqtyq baǵa berý úshin tergeý qyzmetine jiberildi. Júrgizýshilerdiń ishimdik ishken-ishpegenin anyqtaý úshin tıisti saraptamalar júrgiziledi.
Aıta keteıik, Murat Júzgenbaev Almaty oblysynda jeńil atletıkadan aǵa jattyqtyrýshy boldy. 2012 jyly ol jeńil atletıka federaııasynyń úzdik ondyǵyna kirdi.
”Adyrna” ulttyq portaly
