Ádilet mınıstrligine jyl basynan beri 7 bastamashyl toptan partııa qurý nıeti týraly habarlama túsip, Halyq Uni aqparat agenttigi tirkeýge habarlama jibergen saıası partııalardyń sany men olardy tirkeý proedýrasynyń qaı kezeńde turǵanyn bilý úshin Ádilet mınıstrligine saýal joldaǵan bolatyn, dep habarlaıdy "Adyrna" ulttyq portaly.
2022 jyly shildedegi jaǵdaı boıynsha, bıznes-sáıkestendirý nómirleriniń Ulttyq tiziliminiń málimetinshe, 6 saıası partııa tirkelgen. Olar «Amanat» partııasy, «Aq Jol» Qazaqstannyń demokratııalyq partııasy, Qazaqstan Halyq partııasy, «Aýyl» halyqtyq-demokratııalyq patrıottyq partııasy, «ADAL» saıası partııasy, «Jalpyulttyq soıal-demokratııalyq partısy».
Sondaı-aq, jyl basynan beri mınıstrlikke 7 bastamashyl toptan partııa qurý nıeti týraly habarlamalar túsken. Atap aıtqanda, «Partııa El Tiregi», Qazaqstannyń Jasyl partııasy «Baıtaq», «Namys», «Alǵa Qazaqstan», «Janashyr», «Qazaqstannyń Halyq Kongresi» jáne «Bizdin Tandau» partııalary.
Mınıstrlik «Namys» saıası partııasynan ózge qalǵan alty partııanyń habarlamasy rastaýsyz keri qaıtarylǵanyn málimdedi.
Tirkelmegen «Namys» saıası partııasynyń uıymdastyrý komıtetiniń ýákiletti tulǵasyna tirkeýshi organ rastama qujatyn berdi. Qalǵan uıymdastyrý komıtetterine Zańnyń 6-baby 1-tarmaǵynyń, 8-babynyń, 10-baby 6-tarmaǵynyń talaptaryna sáıkes eskertýlerdiń anyqtalýyna baılanysty habarlamalary rastaýsyz qaıtarylady, - delingen resmı jaýapta.
«Alǵa Qazaqstan» partııasynyń jetekshisi saıasatker Jasaral Qýanyshálın bastaǵan top qujaty tolyq bolmaı, ótinishin ótkize almaǵanyn budan buryn málimdegen bolatyn.
Al «Namys» saıası partııasynyń jetekshisi Sanjar Boqaev 19 shilde baspasóz máslıhatyn ótkizetinin, onda partııa qurý jolyndaǵy kedergiler men zańǵa engizilýi qajet ózgerister týraly aıtylatynyn habarlady.
«Erteń osy másele boıynsha «Namys» partııasynyń baspasóz máslıhatyn ótkizbekpiz. Eń bastysy tirkelý barysyndaǵy negizgi máseleler, zańǵa qandaı ózgerister engizýi tıis degen suraqtar kóteriledi», - dedi ol Halyq Uni tilshisine.
Vedomstvo taratqan málimetinshe, Zańnyń 6-babyna sáıkes saıası partııa sany myń adamnan kem bolmaýy tıis. Sonymen birge, saıası partııanyń Quryltaı sezin shaqyratyn jáne oblystardyń, respýblıkalyq mańyzy bar qalalardyń jáne astananyń úshten ekisiniń atynan ókildik etetin azamattar tobynyń bastamasy boıynsha qurylady. Azamattar saıası partııanyń Quryltaı sezine jeke ózi qatysady.
Uıymdastyrý komıteti tirkeýshi organǵa tıisti qujattardy qosa bere otyryp, tirkeýshi organ belgilegen nysan boıynsha saıası partııa qurý nıeti týraly habarlama beredi. Tirkeýshi organ habarlamany jáne osy baptyń 3-tarmaǵynda kórsetilgen ózge de qujattardy alǵan kúni uıymdastyrý komıtetiniń ýákiletti adamyna olardyń usynylǵanyn rastaıtyn qujatty beredi.
"Adyrna" ulttyq portaly
