«Bolat Äbılov», «Bolat Äbılov», «Butia» dep jatyr ekensızder ǧoi. Men aitaiyn, sol Butialaryŋyz da «sau siyrdyŋ boǧy emes». Ol da keşegı jabaiy jekeşelendırudıŋ tūsynda qazaqtyŋ bailyǧyn sauǧandardyŋ bırı.
Ol da bankten qaitarymsyz nesie alyp esırgenderdıŋ eŋ aldynda tūr. Öŋırıne qatarlap tızgen tüimesı köp käşımır kästöm-şalbar kiıp, kommersiialyq arnalardan tüspei bazar ekonomikasyn bar dauysymen jarnamalaǧandardyŋ jämiǧatynan tabylyp jürgen būl jıgıt kosmopolittık burjuaziianyŋ köşın bastap bergenımen, tuǧan halqynyŋ jaǧdaiyna asa köp alaŋdaǧan emes.
Butianyŋ qolynan «däm tatqandar», «keremetke kenelgender» azyn-şoǧyn bar şyǧar, bıraq ol tūtas el qamqory bola alǧan joq. Eskı jüienıŋ tūsynda saiasatpen azdy-kem ainalysyp, bırde körınıp, bırde körınbei qalyp, jalpy jūrtpen jasyrynbaq oinauǧa maşyqtanǧan sol Bütekeŋ, iaǧni Bolat Äbılov aiaq astynan belsendı bolyp, osy künderı bilıktı qaralap jazbalar jazyp, «Jaŋa Qazaqstandy» jerlep, janūşyra äreketke köşıp jatqan körınedı. Menıŋşe, onyŋ artynda «Jaŋa Qazaqstanǧa» jūdyryǧyn tüiıp otyrǧan bıreuler bar. Bır küştı äleuet iesı – kuklovod bar. Mynau – solardyŋ tapsyrysyn oryndauşy.
Butiaşylardyŋ bırınıŋ sözın bırı ılıp alyp, qazırgı bilıktı jarysa, dälelsız aiyptauǧa köşuı tapsyrys oryndauşylardy elestedı. Olar "ailamyzdy asyryp, qulyqpenen qatyrdyq" dep oilamasyn. «Sudyŋ da sūrauy bar» ekenın ūmytpasyn! Ötırıkşınıŋ qūiryǧy bır-aq tūtam degen. Ärı-berıden soŋ, Bolat Äbılovtıŋ de qazyna mülkın «jekeşelendıruge» qalai qatysqany jūrttyŋ köz aldynda ǧoi. Onyŋ qazırgı kürt belsendılıgı «qoryqqan būryn jūdyryqtaidy» degennıŋ kerın keltırıp tūrǧandai.
Äbılov pen Äbılovtyŋ ızıne ergenderdıŋ sözıne baqsaq, Qaŋtar oqiǧasy kezınde qarapaiym halyqtyŋ beibıt şeruın öz maqsatyna paidalanyp, bülık bastap, el ışın ala taidai büldıruge kırısken basbūzarlardyŋ äreketıne resmi bilık qol qusyryp qarap tūra beru kerek eken... Sonda resmi bilık ǧimarattardy qiratyp, dünie-mülıktı tonap, jazyqsyz jandarǧa oq jaudyrǧan sodyrlarǧa tosqauyl qoimauy kerek pe edı?! Joq! Memleket basşysy batyl erık-jıger tanytyp, basbūzarlardyŋ betın qaitaryp, memlekettıŋ ırgesın şaiqaltpai saqtap qaldy. Ol – naǧyz eldık ıs. Memlekettıŋ täuelsızdıgın, el bolaşaǧyn, halyq qamyn oilaǧan tūlǧanyŋ ısı – būl!
Qasym-Jomart Toqaev az uaqyt ışınde elde saiasi reformalardy qarqyndy jürgızdı, jemqorlyqqa qarsy küres aşty. Memleket mülkı men qarajatyn kezınde zaŋsyz ielenıp alǧandardan ūrlanǧan, tonalǧan dünienı qaitaryp ala bastady. Onyŋ alǧaşqy tolqyny memleket qazynasyna qūiylǧanyna bärımız kuämız. Būl ıs ary qarai da jalǧasa bermek.
Sondyqtan qazırgıdei qauıptı, almaǧaiyp kezde qalyŋ jūrttyŋ qamyn oilaǧan Qasym - Jomart Kemelūlyndai azamatqa bır kısıdei qoldau bıldırgen de ǧana bereke tabatynymyzdy bılgenımız abzal. Öitkenı, qazaq – bereke men bırlıktı qasterleitın halyq. Atadan balaǧa miras bolǧan sol qūndylyǧylymyzdy «ūstaǧannyŋ – qolyna, tıstegennıŋ – auzyna» berıp qoimauymyz kerek.
"Adyrna" ūlttyq portaly
