Osyǵan deıin birneshe ret keıinge qaldyrylǵan Atyraý oblysy ákiminiń orynbasary Baqytgúl Hamenovanyń soty bastalady, dep habarlaıdy "Adyrna" ulttyq portaly.
Sot maýsym aıynda bastalýy kerek bolatyn. Alaıda iske tóraǵalyq etýshi sot basqa ispen keńesý bólmesine ketip, sot otyrysy keıinge qaldyryldy. Ol keńesý bólmesinen shyqqannan keıin, Prezıdent Jarlyǵymen basqa sotqa aýysyp ketip, sot taǵy da bolmaı qaldy.
– Belgili sebeptermen B.Hamenovanyń sot otyrysy keıinge qaldyrylǵan bolatyn. Basty sot otyrysy 3 tamyzda ótedi, – dep habarlady oblystyq sottyń baspasóz qyzmeti.
Baqytgúl Hamenova Abaı Qunanbaıulynyń eskertkishin ornatqan kásipkerden 4 mln 500 myń teńge para aldy degen kúdikpen ustalǵan bolatyn. Sybaılas jemqorlyqqa qarsy is-qımyl agenttiginiń qyzmetkerleri Hamenovanyń qylmystyq isin tergeýdi mamyrda aıaqtap, Atyraý oblystyq prokýratýrasyna jibergen bolatyn. Prokýrorlar qylmystyq isti zerdelep, eshqandaı zańbuzýshylyqtar tappaı, isti Atyraý qalalyq №2 sotyna joldady. Alaıda qylmystyq is sotta turyp qaldy.
"Adyrna" ulttyq portaly
