Tanymal satý - satyp alý saıtynda Talǵar aýdanynda ornalasqan mektep múlki satylymǵa qoıylǵan, - dep habarlaıdy “Adyrna” ulttyq portaly Tengrinews.kz saıtyna silteme jasap.
Habarlamada Talǵar aýdany Gúldala aýlyndaǵy № 21 mekteptiń eski terezeleri satylatyny jazylǵan. Bir tereze 30 myń teńgege baǵalanǵan. Sonymen qatar, satylymǵa kitap oqýǵa arnalǵan lampalar da qoıylǵan.
Ákimdik ókilderi mektepte 2022 jyldyń naýryzynan jóndeý jumystary júrip jatqanyn rastady. Merdigermen 1 mıllılard 142 mıllıon teńgege kelisimshart jasalǵan. Búginde demontaj jumystary bitken, endi qurylys-montaj jumystary júrgizilip jatyr eken.
"Joba boıynsha barlyq jumys isteldi, onyń ishinde, terezeni jáne lampalardy aýystyrý jumystary da bar. Merdiger uıymnyń málimetinshe, habarlamany jarııalaǵan Bekzat JShS-da istemeıdi, sáıkesinshe, onyń merdiger uıymǵa qatysy joq. Ótip bara jatqan kez kelgen adam sýretke túsirip alýy múmkin. Nysanǵa kún saıyn jumys izdep júzdegen adam keledi", - dedi Talǵar aýdandyq bilim bóliminiń ókilderi.
Merdiger uıymda habarlamaǵa baılanysty ishki tergeý júrgizilmek. Habarlamany kim jarııalaǵany anyqtalǵan jaǵdaıda jumystan qýylady.
“Adyrna” ulttyq portaly
Басқалармен бөлісе отырыңыз
