Basty bet
Jaŋalyqtar
Talǧarda mektep mülkı satylymǧa qoiylǧan

Talǧarda mektep mülkı satylymǧa qoiylǧan

23.07.2022

2752

https://adyrna.kz/content/uploads/2022/07/ba09e90a-9534-4725-87a1-6c594d4cb057.jpeg

Tanymal satu - satyp alu saitynda Talǧar audanynda ornalasqan mektep mülkı satylymǧa qoiylǧan, - dep habarlaidy “Adyrna” ūlttyq portaly Tengrinews.kz saityna sılteme jasap. 

Habarlamada Talǧar audany Güldala aulyndaǧy № 21 mekteptıŋ eskı terezelerı satylatyny jazylǧan. Bır tereze 30 myŋ teŋgege baǧalanǧan. Sonymen qatar, satylymǧa kıtap oquǧa arnalǧan lampalar da qoiylǧan.
Äkımdık ökılderı mektepte 2022 jyldyŋ nauryzynan jöndeu jūmystary jürıp jatqanyn rastady. Merdıgermen 1 millilard 142 million teŋgege kelısımşart jasalǧan. Bügınde demontaj jūmystary bıtken, endı qūrylys-montaj jūmystary jürgızılıp jatyr eken.
"Joba boiynşa barlyq jūmys ısteldı, onyŋ ışınde, terezenı jäne lampalardy auystyru jūmystary da bar. Merdıger ūiymnyŋ mälımetınşe, habarlamany jariialaǧan Bekzat JŞS-da ıstemeidı, säikesınşe, onyŋ merdıger ūiymǧa qatysy joq. Ötıp bara jatqan kez kelgen adam suretke tüsırıp aluy mümkın. Nysanǧa kün saiyn jūmys ızdep jüzdegen adam keledı", - dedı Talǧar audandyq bılım bölımınıŋ ökılderı.
Merdıger ūiymda habarlamaǧa bailanysty ışkı tergeu jürgızılmek. Habarlamany kım jariialaǧany anyqtalǧan jaǧdaida jūmystan quylady.
“Adyrna” ūlttyq portaly