Baý-baqshasyn taptapketkeni úshin jylqyny kólikpen qasaqana qaqqan er adam 10 kúnge qamaldy dep habarlaıdy KTK arnasy.
Almaty oblysy Mejdýrechensk aýylynyń 38 jastaǵy turǵyny aqyry jazadan qutyla almady. Óıtkeni bul jaıtqa aýyldyń basqa turǵyndary óre túregelgen. Tipti, júrgizýshiniń úıiniń aldyna jınalyp, ashyq narazylyq bildirdi.
Oqıǵa osydan 4 kún buryn Almaty oblysynda bolǵan. 38 jastaǵy turǵyn jol talǵamaıtyn kóligimen býaz jylqyny qasaqana basyp ketedi.
Bul áreketin ol aýyl jylqylarynyń aýlasyna jıi kirip, baý-baqshany taptap kete bergesin júıkem tozdy dep túsindirgen.
Bastapqyda er adam mal ıesimen mámilege kelgen eken. Alaıda aýyl turǵyndary “jazyqsyz maldy óltirgen azamat bostandyqta júr” dep shý shyǵarǵan. Sot búgin jylqyny basqan azamatty 10 kúnge qamaý týraly sheshim shyǵardy.
“Adyrna” ulttyq portaly
