Öskemende jüzdegen adamdy taqyrǧa otyrǧyzǧan 29 jastaǧy kelınşek ūstaldy. Halyqqa qant satamyn dep aldaǧan alaiaq 90 million teŋgege tonap ketken, dep habarlaidy “Adyrna” ūlttyq portaly KTK arnasyna sılteme jasap.
Küdıktı aldymen äleumettık jelıde qant satatynyn aityp, jarnamany jan-jaqqa taratqan. Al bailanysqa şyqqan adamdarmen jyly-jyly söilesken. Sosyn aldyn-ala tölem jasaudy sūrady.
Osylaişa, az uaqyttyŋ ışınde halyqtan 90 million teŋge jinap aldy. Bıraq bırde-bır tapsyrys oryndalmady.
Qala tūrǧyndary aldanyp qalǧandaryn tüsıngennen keiın bırden polisiiaǧa aryz jazǧan. Sonyŋ negızınde tärtıp saqşylary alaiaq äieldı ūstady. Qazırgı kezde qylmystyq ıs qozǧaldy.
"Atalǧan faktı boiynşa Qylmystyq kodeksınıŋ 190-baby, 3-bölıgıne säikes sotqa deiıngı tergeu bastaldy. Būl qyzǧa qatysty kelu mındettemesı türınde būltartpau şarasy qabyldandy", - deidı oblystyq polisiianyŋ ışkı jäne syrtqy kommunikasiialar basqarmasy basşysynyŋ mındetın atqaruşy Tatiana Karpova.
“Adyrna” ūlttyq portaly
