«Qazaqstandaǧy №1 nutrisiolog bolasyzdar». Bır top qazaqstandyqtar osyndai uäde bergen «Health Academy» densaulyq akademiiasynyŋ jūmysyna narazy. Būl turaly “Adyrna” ūlttyq portaly Stan.kz saityna sılteme jasap habarlaidy.
Qyzylorda qalasynyŋ tūrǧyny, köp balaly ana Sinai Ämırhanova – “Health Academy” akademiiasynda onlain bılım alǧan jandardyŋ bırı. Negızgı keŋsesı Almaty qalasynda ornalasqan oqu ortalyǧynyŋ därısın ol segız aiǧa juyq tyŋdaǧan. Jas kelınşek akademiiaǧa 500 myŋ teŋge tölegenın aitady, alaida oqudyŋ sapasyna eş köŋılı tolmaǧanyn jasyrmaidy.
“Men būl akademiia turaly äleumettık jelılerden bıldım. Onyŋ üstıne oqu ortalyǧynyŋ SMM mamany ügıttedı. Tanymal änşı Mädina Säduaqasova, bloger Balqiia Baltabai sekıldı tūlǧalardyŋ jasaǧan jarnamasyna da sendım. Bılıktı nutrisiolog bolyp, jeke kabinetterıŋdı aşyp jūmys jasai alasyŋdar dedı. Akademiia basşysy Talşyn Artyqqyzy kurs barysynda analizderdı taldaudy, balalardyŋ as qorytu fiziologiiasyn, detoksikasiia jasau, ışek aurularyn jäne individualdy emdeudı üiretemın dedı. Barlyq sertifikattarym bar. 500 myŋ teŋgenı bankten nesie arqyly aldym, bıraq maǧan eşqandai fiskaldy chek berılmedı. Alaida akademiia oqu bıtırgennen keiın bergen diplomy men sertifikattary eş jaramsyz eken. Jeke käsıbımdı aşuǧa kırıster departamentıne barǧanymda mamandary tırkeuden bas tartty. Osylaişa akademiiaǧa aldanyp qaldym”, - deidı qyzylordalyq kelınşek.Güldana Amanbai da atalmyş akademiianyŋ qyzmetıne jügıngen. Bügınde ol Almaty qalasyndaǧy klinikalardyŋ bırınde anestezist bolyp eŋbek etedı. Dekrettık demalysy kezınde jaŋa baǧytta bılım alyp, jeke nutrisiolog kabinetın aşudy josparlaǧan eken. Alaida ol qomaqty qarajatym jelge ūşty dep aşynady.
“Qazır men bıletın 30-dan astam bılım aluşy ädıldık ızdep şyryldap jür. Bız akademiia aqşamyzdy qaitaryp beruın talap etemız. Oquǧa 500 myŋ töledım, sol qarjyǧa tūrarlyq bılım berılgen joq. Ǧalamtordaǧy orysşa mälımetterdı bızge audaryp bere salǧan. Kerı bailanys bolmady. Akademiianyŋ jarnamasyna aldanyp qaldyq. Bızge köp uäde berılgen edı, ökınışke qarai, eşqaisysy oryndalmady. Diplomymyz ben sertifikattarymyz eşnärsege jaramai qaldy”, - dep aşynady Güldana Amanbai.Bügınde “Health Academy” akademiiasyn tämamdaǧan bır top qazaqstandyqtar ädıldık ızdep qūqyq qorǧau organdaryna jügıngen. Şaǧymdanuşylardyŋ aituynşa, olardyŋ aryzy negızınde tiıstı tergeu şaralary jürgızılude. Alaida oqu ortalyǧynyŋ jūmysy toqtaǧan joq. Qazırdıŋ özınde akademiia Instagram äleumettık jelısı arqyly jarnamasyn jürgızıp, köpşılıktı nutrisiologiia boiynşa bılım aluǧa şaqyryp jatyr.
“Men Türkıstan oblysy Qazyǧūrt audanynyŋ tūrǧynymyn. Akademiianyŋ diplomy bar nutrisiolog mamandaryn daiarlaimyz degen jarnamasyna qyzyqtym. Akademiianyŋ jūmysyn Talşyn Artyqqyzy men küieuı Eldar Ospanov jürgızdı. Sabaq onlain formatta ötkendıkten kelısımşartqa qol qoiylmady. Diplomdy alǧannan keiın onyŋ eşqandai küşı joq ekenın bıldım. Zaŋsyz jaramsyz qūjatty alu üşın bır jylǧa juyq uaqytym men qomaqty qarajatym kettı. Sabaq barysynda berılgen aqparat sapasyz jelıden alynǧan bolyp şyqty”, - deidı Aijan Usmanova esımdı taǧy bır bılım aluşy.Bolǧan jaǧdaidy anyqtau üşın, sait tılşısı “Health Academy” densaulyq akademiiasyna habarlasqan bolatyn. Oqu ortalyǧynyŋ basşylyǧy bolyp jatqan keleŋsız jaǧdai turaly habardar bolyp şyqty, arnaiy jaldaǧan zaŋgerı resmi mälımet bergen bolatyn.
“Atalmyş akademiia 2021 jyldan berı jūmys jasap keledı. Qosalqy bılım beru qyzmetterın jüzege asyruda. “Health Academy” dūrys tamaqtanuǧa qatysty aqparattyq bılım beretın mekeme bolǧandyqtan, mūnda oqyǧan şäkırtter alǧan bılımderın tekjeke özderınıŋ dūrys tamaqtanuyna paidalana alady. Al medisina, himiia jäne biologiia bılımderı bar şäkırtter dūrys tamaqtanu boiynşa keŋesşı bolyp, «Health Academy» alǧan bılımderın täjıribede qoldana alady”, - dep jauap berdı akademiia advokaty Qadyrjan Moldaşärıp.Qazır şaǧymdanuşy tarap qūzyrly organdarynyŋ jūmys nätijesın kütude.
“Adyrna” ūlttyq portaly
