Oqý-aǵartý mınıstri Ashat Aımaǵambetov bıylǵy halyqaralyq pán olımpıadalarynyń aralyq qorytyndysyn óz facebook paraqshasynda jarııalady.
«Búgingi kúnge deıin oqýshylarymyz 5 pánnen 21 medal jeńip aldy. Ulttyq qurama qorjynynda 3 altyn, 13 kúmis jáne 5 qola medal bar. Iaǵnı 23 qatysýshynyń 21-i júldeli orynǵa ıe boldy. Bul jerde eń bedeldi halyqaralyq olımpıadalar týraly aıtyp otyrmyz. Bıyl tuńǵysh ret Prezıdenttiń qoldaýynyń arqasynda oqýshylarymyz 4,5 mln teńgege deıin qomaqty aqshalaı syıaqy alyp, UBT tapsyrmaı-aq JOO-ǵa grantqa túsý múmkindigine ıe bolady. Matematıkadan halyqaralyq olımpıadada (IMO) Qazaqstan quramasy 3 kúmis jáne 3 qola júldeni jeńip aldy. Komandamyz 174 upaı jınap, elimizdiń olımpıadaǵa qatysý tarıhyndaǵy jańa rekordyn ornatty. Komandalyq esepte elimiz 17-orynda, al bul – 12 jyldaǵy úzdik kórsetkish. Fızıkadan halyqaralyq olımpıadada oqýshylarymyz 1 altyn, 4 kúmis medal ıelendi. Bul – sońǵy 8 jyldaǵy eń jaqsy kórsetkish. Byltyr komandanyń qorjynyna 5 kúmis túsken bolatyn. Geografııadan halyqaralyq olımpıadada oqýshylarymyz ekinshi jyl qatarynan altyn medal jeńip aldy. Bıyl da 1 qola medalǵa ıe boldyq», – dep jazady mınıstri Facebook paraqshasynda.
“Adyrna” ulttyq portaly
