Dinara Sätjan eks-prezident Nūrsūltan Nazarbaevtan sūhbat aludy armandaitynyn aitty. Qazaqstandy qūrǧan tūlǧa ekenın Dana Ormanbaevaǧa bergen sūhbatynda tılge tiek ettı, dep habarlaidy “Adyrna” ūlttyq portaly.
"Nazarbaev - harizmaly saiasatker. Ol Qazaqstan üşın ülken eŋbek sıŋırdı. Eŋ bırınşıden, men ol kısıge Astana üşın alǧys bıldırer edım. Öitkenı men mansabymdy osy qalada qūrdym. Būl qala rasymen de onyŋ "balasy" ıspettı", - deidı Sätjan. "Men jäne Rahym Oşaqbaev ekeumız ǧana qoldadyq. Sol kezde: "Eger qala tūrǧyzsam, men de oǧan öz atymdy berer edım", dep qaljyŋdap aittym.Älı künge deiın ol kısıden sūhbat aludy armandaimyn. Öitkenı ol Qazaqstandy qūrǧan adam. Ol kısıge, onyŋ otbasyna sūraq köp", - deidı ol.
"Qaŋtar oqiǧalarynan keiın bolyp jatqan oqiǧalarǧa qarasaq, özgerıs köp. Bız 30 jyl ışınde prezidenttıŋ qyzy parlament müşesı, Forbes-tıŋ alǧaşqy bestıgınde tek sol äulettıŋ adamdary ekenıne üirenıp qalǧanbyz. Ol bız üşın qalypty bolyp qalǧan. Al endı aktivterdıŋ qaitarylyp jatqanyn, jaŋa prezidentımızdıŋ "Jaŋa Qazaqstan" üşın küresıp jatqanyn körıp otyrmyz. Endı prezidenttıŋ tuystary joǧary qyzmetke otyra almaidy. Ol maǧan şabyt syilady. Elordada rasymen de talantty, talapty adamdardyŋ bar ekenın köremın. Bıraq olar laiyqty qyzmetke otyra almaityn. Öitkenı senatordyŋ ūly er jetıp, äkesı ony jüiege kırgızıp ülgergen. Ondai hikaialar öte köp. Qazır ol jüie būzyluda. Eger sen talantty, bılımdı bolsaŋ, "Jaŋa Qazaqstanda" ösuıŋe mümkındık bar dep oilaimyn", - deidı Dinara Sätjan.
“Adyrna” ūlttyq portaly
