80 myŋǧa juyq talapker bılım granttaryn taǧaiyndau konkursyna qatysu üşın ötınış berdı. Būl turaly Ǧylym jäne joǧary bılım ministrılıgı habarlady, dep jazady "Adyrna" ūlttyq portaly.
Qūjattardy qabyldau 13-22 şılde aralyǧynda jürgızıldı. Baiqau nätijelerı 15 tamyzǧa deiın jariialanady.
Ümıtkerler arasynda baldar teŋdıgı jaǧdaiynda basym qūqyqqa ie bolatyn 20 myŋnan astam adam bar. Olardyŋ ışınde «Altyn belgı» iegerlerı, halyqaralyq jäne respublikalyq olimpiadalardyŋ jeŋımpazdary, oqu üzdıkterı bar.
«Biyl grant konkursyna qūjattardy qabyldau joǧary oqu oryndarynyŋ qabyldau komissiialary arqyly dästürlı formatta jäne virtualdy komissiialar arqyly onlain qabyldandy. Bırneşe jyl qatarynan talapkerler eŋ köp sūranysqa ie oqytu baǧyttary boiynşa taŋdaudy özgerıssız jasap jatyr. Ötınışterdıŋ köpşılıgı «Pedagogikalyq ǧylymdar», «İnjenerlık, öŋdeu jäne qūrylys salalary», «Aqparattyq-kommunikasiialyq tehnologiialar» siiaqty baǧyttarǧa berıldı. Qabyldau nauqanynyŋ nätijesıne säikes, bolaşaq mūǧalımder, tıs därıgerlerı jäne injenerler arasynda bır granttyq orynǧa eŋ ülken konkurs bolady», – dep atap öttı QR ǦJB Ūlttyq testıleu ortalyǧynyŋ direktory Ruslan Emelbaev.Vedomstvo mälımetınşe, biyl 154 myŋ talapker Ūlttyq bıryŋǧai testıleuden öttı. ŪBT qorytyndysy boiynşa şektı baldy 103 myŋnan astam adam jinady, būl – qatysuşylardyŋ jalpy sanynyŋ 67%. Aita keteiık, 2022-2023 oqu jylynda bakalavriatqa 73 myŋǧa juyq grant bölınıp otyr.
"Adyrna" ūlttyq portaly
