Şymkent qalalyq prokuraturasy Qaŋtar oqiǧasy kezındegı "Jappai tärtıpsızdık" baby boiynşa küdıkke ılıngen 21 adamǧa bailanysty qylmystyq ıstı toqtatu turaly qauly şyǧarǧan. Būl turaly "Azattyq radiosy" habarlady, dep jazady "Adyrna" ūlttyq portaly.
5 şıldede Şymkent qalalyq prokuraturasynyŋ arnaiy prokurorlar basqarmasynyŋ basşysy Nūrjan Kölbaev şyǧaryp, 20 şıldede qala prokurorynyŋ orynbasary Erjan Marat bekıtken qaulyny prokuratura "küdıktı 21 adamǧa" keşe, şıldenıŋ 25-ıne bergen.
Qaulyda Qaŋtar oqiǧasy kezınde "jappai tärtıpsızdıkke qatysty" dep aiyptalǧan 68 adamnyŋ 58-ıne sot ükımı şyqqany, 9 adamnyŋ ısı sot tergeuınde, bır adamnyŋ ısı qala prokuraturasynda ekenı, taǧy da 27 adam küdıktı retınde tergeude otyrǧany aitylǧan.Qaŋtar oqiǧasyna bailanysty "Jappai tärtıpsızdık" babynyŋ "jappai tärtıpsızdıkke şaqyru" bölıgı boiynşa (272-baptyŋ 3-bölıgı) küdıkke ılıngen 21 adamnyŋ ısı "jäbırlenuşı" dep tanylǧan "Körme" ortalyǧy men qala äkımdıgımen kelısımge keluıne, keltırgen zalaldy öteuıne, aiypty moiyndauy men jasaǧan ısıne ökınetınıne bailanysty toqtatylǧan. Qylmystyq jauaptan bosatylǧandardyŋ ülkenı – 46 jasta, kışısı – 20 jasta. Olardyŋ ışınde qoǧam belsendılerı Nūrlybai Tataev pen Kärima Haidarqūlova da bar.
- Istıŋ toqtatylǧanymen tolyq kelısemın. Qazırgı kezde sottalmaǧannyŋ özı – jeŋıs, - deidı belsendı Nūrlybai Tataev.4-6 qaŋtar aralyǧynda Şymkentte bolǧan Qaŋtar oqiǧasy beibıt şerumen bastalyp, soŋy jappai dürbeleŋge ūlasqan. Oqiǧa kezınde 20 adam qaitys bolǧan. Olardyŋ ülkenı – 37 jasta, kışısı – 17 jasta. Qaŋtar aiynda qalalyq densaulyq saqtau basqarmasy oqiǧa kezınde 125 adam jaralaǧanyn mälımdegen. Şymkent qalalyq prokuratura mälımetıne qaraǧanda, ekı jüzden astam adam jaralanǧan, onyŋ 72-sıne oq tigen.
"Adyrna" ūlttyq portaly
