Öz tuǧan Otanyna oralǧan qandastar el azamattyǧyn rastaityn qūjatty bır jyldan berı ala almai şu şyǧardy, dep habarlaidy “Adyrna” ūlttyq portaly.
KTK telearnasynyŋ mälımetınşe, Saltanat Teleşbaevany memlekettık emhanalar tırkeuge almaidy. Basy auyryp, baltyry syzdasa kelınşek üiınde emdeluge mäjbür. Üş balasyn da jekemenşık balabaqşa men mektepke bergen. Sebebı Özbekstannan qonys audarǧan äiel azamattyq ala almai jür.
«Jekemenşıkke baramyz. Basqa jer bızdı qabyldamaidy. Emdeludıŋ özı qiyn. Bosandym. Ony da jekemenşıkke bardyq. 300 myŋ teŋge kettı. Ükımettıŋ perzenthanasyna baru üşın qūjatymyz joq. Baza ıstemei jatyr dep bır jyl jürdı. Sosyn keldık. Bır jetıden keiın kelıŋder. Bır jetıden keiın kelemız. Erteŋ kelıŋder deidı. Sol aitatyn äŋgımelerı», - deidı Saltanat Teleşbaeva.Qandastardan qūjat qabyldaityn jerde künde aiǧai-şu. Öitkenı, qyzmetker jetıspeidı. Oǧan qosa, jüie de jiı ısten şyǧatynyn köşı-qon qyzmetınıŋ ökılderı jasyrmaidy.
«Azamattyq alu ekı aiǧa sozylu kerek. Bıraq bazaǧa bailanysty sozylyp ketken. Yhtiiar hat pen azamattyqqa jauapty qyzmetker özınıŋ ötınışı boiynşa jūmystan şettetıldı. Jaqyn arada ornyna adam keledı. Ony basşy qūramy jaqyn arada şeşedı dep oilaimyn», - deidı Jambyl audandyq köşı-qon qyzmetınıŋ aǧa inspektory Baqbergen Tättıbaev.
“Adyrna” ūlttyq portaly
