Almaty oblysy Ile aýdanyndaǵy «Dáýlet-Beket» JShS qurǵaq túıe sútin óndiretin zaýytyń jumysymen tanysý úshin Germanııadan delegaııa keldi. Aýyl sharýashylyǵy kásipornynyń ıesi Sydyq Dáýletov qonaqtarǵa ekskýrsııa ótkizdi.
Aýyl sharýashylyǵy kásipornynyń ıesi Sydyq Dáýletov qonaqtarǵa ekskýrsııa ótkizdi. Germanııa federaldyq mınıstrligi janyndaǵy parlamenttik stats-hatshysy, jeke assıstent Veıkko Haın , halyqaralyq yntymaqtastyq jáne álemdik azyq-túlik departamentiniń basshysy Kornelııa Berns, Shyǵys Eýropa, ortalyq jáne Shyǵys Azııa elderimen halyqaralyq jumys jónindegi yntymaqtastyqty keńeıtý bóliminen Peggı Lantch, Iýlıýs Kıýn ınstıtýtynyń professory, mádenı ósimdikterdiń federaldy ǵylymı-zertteý ınstıtýtynan Henrık Flahovskı kelip, túıe sútin óńdeıtin iri aýylsharýashylyq kásipornynyń jumysymen tanysty.
Delegaııa aldymen fermaǵa baryp, túıelerdiń qandaı jaǵdaıda ósiriletinin kórdi. Keıin, avtomattandyrylǵan saýý proesimen tanysty.
Qonaqtar keıin sút óńdeý zaýytyna baryp, jumys barysymen tanysty. Óndiris erekshelikterine toqtala kele, kásiporyn dırektory Sydyq Dáýletov sharýashylyqtyń qalyptasýy men damý tarıhyn aıtyp ótti.
Búginde sharýashylyq kúnine 5-6 tonnaǵa deıin sapaly shubat óndiredi. Táýligine shamamen 500-600 kg qurǵaq untaq sút shyǵaramyz. Aıyna shamamen 10-15 tonna qurǵaq untaq Qytaıǵa eksporttalady. Jaqynda biz Birikken Arab Ámirlikterimen kelisimshartqa otyrdyq, aı saıyn bir tonna sút untaǵyn jiberemiz. Aldaǵy ýaqytta túıe sanyn 15 myńǵa deıin arttyrý josparda bar», - dep atap ótti kásiporyn ıesi Sydyq Dáýletov.
Qonaqtar sapar sońynda shubatpen emdeý ortalyǵyna bardy. Bul jerge kúrdeli otadan soń, gastrıt, allaergııa, sozylmaly gepatıt, týberkýlez ben qant dıabetimen aýrýymen aýyrǵandar em izdep keledi. Ortalyqtaǵy mamandar kelýshilerdi shubatpen, saýmalmen emdeıdi. 4 jyl ishinde 6 myńnan astam azamat túıe sútimen emdelgen.
«Bul kásiporynǵa kelip, keremet áser aldyq. Túıe ósirýdiń tehnıkasyn kórdik. Bul keremet ádis. Óıtkeni bul kásiporynda barlyǵy tabıǵı jolmen iske asyrylady eken. Sonymen qatar, maldardy qalaı emdeıtinin kórdik. Ózim mal dárigerimin. Sondyqtan, men úshin maldardyń jaqsy em alýy óte mańyzdy. Eger, túıelerdiń densaýlyǵy jaqsy bolsa, keıin jaqsy ónim shyǵary sózsiz. Bul sapar bizdi qatty tań qaldyrdy. Kásiporyn jumysyna sáttilik tileımiz.»,- dedi Germanııa federaldyq mınıstrligi janyndaǵy parlamenttik stats-hatshysy Ofelııa Nık.
