Oral qalasynda adam ölımıne äkep soqtyrǧan jol-kölık oqiǧasy tırkeldı, dep habarlaidy "Adyrna" ūlttyq portaly.
Būl aqparatty Batys Qazaqstan oblystyq polisiia departamentınıŋ baspasöz qyzmetı taratty.
Oqiǧa 2024 jylǧy 20 mausym künı S. Datūly köşesındegı köpırde bolǧan. Saǧat şamamen 17:30-da 2011 jyly tuǧan qyz belgılenbegen jerden joldy jügırıp ötpek bolǧan sätte, ony 1999 jylǧy jürgızuşı tızgındegen «Lada Granta» kölıgı qaǧyp ketken.
«Jedel järdem qyzmetkerlerı qyzdy qūtqaruǧa bar küşın salǧanymen, ol esın jimastan oqiǧa ornynda köz jūmdy», – delıngen polisiia taratqan aqparatta.
Qazırgı taŋda jol apatynyŋ män-jaiy anyqtalyp jatyr. Oqiǧa bolǧan aumaqta kölık qozǧalysy bıraz uaqytqa kıdırıp, jolda keptelıs oryn alǧan.
Ūqsas jaŋalyqtar
