6 tamyz künı Almaty qalasyndaǧy Ofiserler üiınde ǧaryşker, Halyq qaharmany Talǧat Mūsabaevpen qoştasu räsımı ötıp jatyr. Qoştasu şarasy taŋǧy saǧat 09:00-de bastaldy, dep habarlaidy "Adyrna" ūlttyq portaly zakon.kz saityna sılteme jasap.
Almatydaǧy 28 gvardiiaşy-panfilovşylar atyndaǧy saiabaq maŋyna Talǧat Mūsabaevtyŋ tuǧan-tuystary men jaqyndarynan bölek, ärıptesterı, dostary, qoǧam jäne memleket qairatkerlerı, ǧaryş salasynyŋ ökılderı keldı. Qoştasuǧa reseilık ǧaryşker, aviasiia sportynyŋ şeberı Sergei Krikalev arnaiy ūşyp kelıp, ärıptesı jaily jyly lebızın bıldırıp, onymen bırge jūmys ıstegenın maqtanyşpen atap öttı.
Sondai-aq, Qazaqstandyq tanymal ǧaryşkerler Toqtar Äubäkırov pen Aidyn Aiymbetov te qoştasu räsımıne qatysty. Foiede Talǧat Mūsabaevqa qūrmet retınde arnaiy qarauyl ūiymdastyrylǧan.
Memleket jäne qoǧam qairatkerlerı de jiynda boldy. Olardyŋ arasynda Mäjılıs deputaty Azat Peruaşev, mäslihat töraǧasy Meiırjan Otynşiev, ǧalym Rahman Alşanov, zapastaǧy general-leitenant Beksūltan Särsekov jäne basqa da tanymal tūlǧalar bar. Barlyǧy da halyq qaharmanynyŋ el damuyna qosqan ülesın atap ötıp, gül şoqtaryn qoiyp, ruhyna taǧzym ettı.
Qoştasu räsımınen keiın 28 panfilovşy-gvardiiaşylar atyndaǧy saiabaqta qaraly miting ötedı. Odan keiın Talǧat Mūsabaev Almatydaǧy Keŋsai ziratyna jerlenedı.
Talǧat Amangeldıūly Mūsabaev 2025 jylǧy 4 tamyz künı 75 jasqa qaraǧan şaǧynda ömırden öttı. Ol 1951 jyly 7 qaŋtarda Almaty oblysy Jambyl audanynyŋ Fabrichnoe auylynda tuǧan. Qazaqstannyŋ Halyq qaharmany, tehnika ǧylymdarynyŋ doktory, aviasiia general-leitenanty retınde el tarihynda öşpes ız qaldyrdy.
Ol ǧaryşqa üş märte ūşyp, jalpy sany 341 täulık 9 saǧat 46 minut ǧaryş keŋıstıgınde boldy. Sonymen qatar, 8 ret aşyq ǧaryşqa şyqqan, būl saparlardyŋ jalpy ūzaqtyǧy – 43 saǧat 46 minutty qūraidy.
