13 tamyzda Qaraǧandy oblysyndaǧy Belov–Qalqaman avtojolynda, Solvetka auylynyŋ maŋynda ekı jeŋıl kölık soqtyǧysyp, ekı jürgızuşı oqiǧa ornynda qaza tapty, dep habarlaidy "Adyrna" ūlttyq portaly.
Polisiia mälımetınşe, apatqa Toyota Ipsum jäne Toyota Camry markaly kölıkter qatysqan. Jol-kölık oqiǧasy boiynşa sotqa deiıngı tergeu bastaldy.
Qaraǧandy oblystyq densaulyq saqtau basqarmasy zardap şekken jolauşynyŋ 19 jastaǧy Astana tūrǧyny ekenın mälımdedı.
"Oqiǧa kezınde onyŋ basy, keude tūsy jäne aiaqtary jaraqattanyp, süiekterı synǧan. Jedel järdemmen Aqsu qalasyndaǧy auruhanaǧa jetkızılıp, jansaqtau bölımıne jatqyzyldy. Jaǧdaiy auyr, ökpesıne jasandy demaldyru apparaty qosylǧan", — dep habarlady basqarma.
Polisiia departamentı jol qozǧalysyna qatysuşylardy jyldamdyqty şamadan tys asyrmauǧa, kölık köp jüretın aimaqtarda erekşe abai boluǧa jäne kölık qūralynyŋ tehnikalyq jaǧdaiyn ünemı tekserıp otyruǧa şaqyrdy.
