Mäjılıs deputaty Azat Peruaşev Reseidıŋ eks-prezidentı Medvedevtıŋ VKontakte paraqşasynda jariialanǧan jazbasyna qatysty pıkır bıldırdı. Deputat öz oiyn Telegram jelısındegı paraqşasynda jariialady, dep habarlaidy “Adyrna” ūlttyq portaly.
«Feik bolmasa, būl ne sonda? Auru sananyŋ sandyraǧy ma, älde, abaisyzda auyzdan şyqqan jasyryn qiialdar ma?
Qalai bolǧanda da, las ärı qūrmetke laiyqsyz äreket.
«Üş jüz jyldyq igeruge» qarsy qazaqtar men, tıptı, soltüstık öŋırlerdı de mekendegen babalarymyzdyŋ myŋ jyldyq tarihynan talai mysaldy keltıruge bolady; şekarasy qazırgı Qazaqstan aumaǧynan da auqymdy bolǧan, bileuşılerınen barlyq qazaq handary taraǧan, Qazaq handyǧy mūragerı sanalatyn Altyn Ordany eske salamyz. Aitpaqşy, Mäskeu kınäzdıgınıŋ küşeiıp, ainalasyna özge orys jerlerınıŋ qosyluyna yqpal etken de däl osy Altyn Orda.
Bıraq, būl Altyn Ordany qaita qūryp, bes jüz jyl boiy tölenbegen salyqty talap etu kerek degen söz emes qoi. Halyqaralyq qūqyq qoldanystaǧy şekaralardyŋ būzylmauyn moiyndaudan tuyndaidy. Bız üşın eŋ bastysy – Qazaqstanda türlı etnos ökılderınıŋ tatu-tättı ömır sürıp jatqany. Eŋbek etıp, öz memleketı men öz käsıpterınıŋ küşeiuıne qolǧabys qyluda. Otbasylaryn qūryp, tuys tabuda, bala ösırude. Bız öz ömırımızdı özımız dūrystaimyz.
Bıraq, rasionaldy uäjder mūndai provaksiialardyŋ avtorlaryna äser etpeitın sekıldı, taǧy qaitalaimyn, eger būl feik bolmasa, ärine.
Qalai bolǧanda da, mūndai jariialanymdardyŋ paida boluy oiyn emes. Būl toqtausyz jurnalister men jergılıktı deputattardyŋ sandyraǧy emes. Äŋgıme körşı eldıŋ eks-prezidentı, iaǧni, ülken saiasi täjıribesı bar saiasatker turaly.
Bızdıŋ Syrtqy ıster ministrlıgı jaǧdaidy anyqtap, anyq-qanyǧyn habarlau kerek.
Äitpese, «Aq jol» dempartiiasynyŋ fraksiiasy SIM-ge resmi saual joldaityn bolady», dep jazdy Azat Peruaşev.
”Adyrna” ūlttyq portaly
