Qaraǧandy oblysynda sifrlyq şeşımder kölık, tūrǧyn üi-kommunaldyq şaruaşylyǧy jäne basqa da salalarǧa engızılude. Äleumettık salada neirondyq jelını qoldanatyn «Azyq-tülık baǧasyn monitoringteu» jobasy ıske qosyldy.
Būl turaly «Jasandy intellekt däuırındegı Qazaqstan: özektı mındetter jäne olardy sifrlyq transformasiia arqyly şeşu» taqyrybyndaǧy Joldaudy talqylau jiynynda aityldy.
– Memleket basşysy öz Joldauynda jasandy intellekttı ekonomikanyŋ barlyq salasyna engızu jäne jappai sifrlandyru mındetın qoidy. Osy maqsatta öŋırde halyqtyŋ ömır süru deŋgeiın arttyruǧa jäne äleumettık tūraqtylyqty qamtamasyz etuge baǧyttalǧan bırqatar maŋyzdy jobalar jüzege asyrylyp jatyr, – dedı aqparattandyru, memlekettık qyzmetter körsetu jäne arhivter basqarmasynyŋ basşysy Konstantin İlniskii.
Ol äleumettık maŋyzy bar azyq-tülık tauarlarynyŋ baǧasyn avtomatty türde jinau jäne taldau jüiesınıŋ qalai jūmys ısteitının tüsındırdı. Neirondyq jelı derekterdı negızınen öŋırlık sauda jelılerınıŋ saittarynan jinaidy. Alynǧan aqparat jedel şolular men taldamalyq esepter türınde ūsynylady, būl baǧa özgerısterıne jedel äreket etuge jäne tūtynu naryǧyndaǧy jaǧdaidy tereŋ taldauǧa mümkındık beredı.
– Bügınde janar-jaǧarmai baǧasyn avtomatty jinau, baqylauǧa alynatyn tauarlar tızımın keŋeitu, sondai-aq barlyq sauda nüktelerı men tauar türlerın qamtuǧa mümkındık beretın kassalyq chekter derekterın integrasiialau jūmysy jürgızılude. Būl naqty ortaşa tūtynuşylyq sebettı qalyptastyruǧa jol aşady, – dep tolyqtyrdy Konstantin İlniskii.
Spikerdıŋ aituynşa, kölık salasynda da pilottyq rejimde joldardyŋ jaǧdaiyn avtomatty baqylau jüiesı – JoLScan ıske qosylǧan. Kompiuterlık köru avtomobilderdegı beinetırkegışterdıŋ videojazbalaryn taldap, jol tösemındegı aqaulardy anyqtaidy jäne olardy vektorlyq belgıler arqyly salystyra otyryp, tarihyn qadaǧalaidy. Sonymen qatar geolokasiia arqyly olqylyqtar kartaǧa tüsırıledı.
Jüienıŋ kömegımen jedel aralasudy qajet etetın bes syndarly aimaq anyqtaldy.
Taǧy bır sifrlyq şeşım kölık keptelısterımen küreske baǧyttalǧan. İntellektualdy platforma baǧdarşamdardyŋ jūmysyn baqylap, rettep otyrady. Būl äsırese taŋerteŋgı jäne keşkı qarbalas uaqytta maŋyzdy.
Sonymen qatar «Taza Qazaqstan» ūlttyq jobasy aiasynda jasyl ekpelerdı tügendeuge arnalǧan mobildı qosymşa äzırlendı. Jüie nysandardyŋ koordinattaryn, sipattamasyn jäne fotosuretterın tırkeidı, al būl derekter kompiuterlık köru jäne jasandy intellekt tehnologiialary arqyly öŋdeledı.
Oblys äkımı Ermaǧanbet Bölekpaev osy jūmysty jalǧastyryp, öŋırdıŋ barlyq salasynda sifrlandyru men jasandy intellekttı engızudı qamtamasyz etudı tapsyrdy.
Eske sala ketsek, Memleket basşysy Joldauynda sifrlandyru men jasandy intellekttı damytuǧa arnalǧan bıryŋǧai tūjyrymdamalyq qūjat – Digital Qazaqstan äzırleudı tapsyrǧan bolatyn.
