18 jastaǧy "Qairat" qaqpaşysy Şerhan Qalmyrza Lissabonda ötken Chempiondar ligasynyŋ jalpy kezeŋınıŋ alǧaşqy turynda "Sportingke" qarsy oiynda penalti qaitardy. Jas golkiper turnir tarihyna 11 metrlıktı toitarǧan ekınşı eŋ jas qaqpaşy retınde endı. Qalmyrza būl jetıstıkke 18 jas 95 künınde qol jetkızdı, dep habarlaidy "Adyrna".
Būǧan deiın mūndai körsetkıştı tek 2017 jyly "Benfika" sapynda 18 jas 65 künınde Mile Svilar körsetken bolatyn. Qazır ol Rimnıŋ "Romasynda" oinaidy. Lissabonda ötken kezdesu alaŋ ielerınıŋ 4:1 esebımen jeŋısımen aiaqtaldy.
Aita keteiık, almatylyqtardyŋ negızgı qaqpaşysy Aleksandr Zaruskii plei-off kezeŋındegı "Seltikke" qarsy alǧaşqy oiynda jaraqat alǧan edı. Al ırıkteu kezeŋınıŋ basty qaharmany, jauapty oiynda "Seltikke" qarsy seriiada üş penalti qaitara bılgen Temırlan Anarbekov 14 qyrküiekte ötken QPL-2025 turyndaǧy "Aqtöbege" qarsy kezdesude jaq süiegın syndyryp alǧan.
"Qairat" kelesı kezdesuın 30 qyrküiek künı Almatynyŋ Ortalyq stadionynda "Real Madridke" qarsy ötkızedı.
