AQŞ prezidentı Donald Tramp TikTok boiynşa kelısımge qol qoidy. Qūjatqa säikes, äleumettık jelınıŋ 80% aksiiasy amerikalyq korporasiialardyŋ baqylauyna ötedı jäne el aumaǧynda jūmysyn jalǧastyra alady, dep habarlaidy "Adyrna".
Tramp TikTok-tyŋ "tolyqtai amerikalyqtardyŋ baqylauynda bolatynyn" atap öttı. Onyŋ sözınşe, Qytai töraǧasy Si Szinpin būl josparlardy maqūldaǧan.
Mämılege Dell Technologies kompaniiasynyŋ negızın qalauşy, töraǧasy jäne bas direktory Maikl Dell; Fox News iesı Fox Corp kompaniiasynyŋ töraǧasy Rupert Merdok, News Corp gazetınıŋ baspagerı jäne älemdık deŋgeidegı tört-bes investor qatysuy mümkın.
Vise-prezident Djei Di Vens jaŋa amerikalyq kompaniianyŋ qūny şamamen 14 mlrd dollar bolatynyn aitty, būl keibır sarapşylardyŋ baǧalaularynan edäuır tömen.
Reuters derekközderınıŋ habarlauynşa, Oracle jäne Silver Lake kompaniialaryn qosa alǧanda üş investor TikTok US aksiialarynyŋ şamamen 50%-yn satyp alady. ByteDance qazırgı aksionerlerıne şamamen 30% aksiia tiesılı bolady.
Eske salaiyq, būǧan deiın AQŞ pen Qytai TikTok boiynşa ortaq şeşımge kelgen bolatyn.
