2025 jylǧy 26 qyrküiekke qaraǧan tünı belgılı reseilık rejisser, telejürgızuşı Tigran Keosaian dünieden öttı. Habardy onyŋ jary, RT telearnasy men «Rossiia segodnia» halyqaralyq mediatobynyŋ bas redaktory Margarita Simonian Telegram-arnasy arqyly jetkızdı, dep habarlaidy «Adyrna».
«Bügın tünde Tigran Jaratuşyǧa attandy», – dep jazdy Simonian.
2025 jyldyŋ qaŋtar aiynda Keosaiannyŋ klinikalyq ölımge ūşyrap, komaǧa tüskenı turaly aqparat taraǧan edı. Sodan berı onyŋ jaǧdaiy auyr küiınde qalyp, bırneşe ai boiy ömır üşın küresken.
Keosaian tek şyǧarmaşylyǧymen ǧana emes, qoǧamda rezonans tudyrǧan saiasi jäne şuly pıkırlerımen de belgılı boldy.
2022 jyly ol Qazaqstanǧa qatysty dauly mälımdemeler jasap, qoǧam men diplomatiialyq qūrylymdardyŋ qataŋ synyna ūşyrady.
Nätijesınde, sol jyly Keosaian Qazaqstanǧa kıruge tyiym salynǧan tūlǧalar tızımıne endı . Sondai-aq, ol Qazaqstannyŋ Donesk pen Luganskty täuelsız respublika dep moiyndamaitynyna bailanysty elımızdı «satqyn» dep atap, «jasalǧan jaqsylyq üşın rahmet aitudy bılmeidı» degen jazba jariialaǧan. Al 2024 jyly jurnalist Qazaqstanǧa «keibır būzaqylarmen» küresu üşın Resei äskerın jıberuge quanyşty bolatynyn jetkızgen.
Onyŋ jūbaiy Margarita Simonian da däl sol kezeŋde Qazaqstannyŋ syrtqy saiasaty men Qaŋtar oqiǧalaryna qatysty aitqan pıkırlerı üşın synǧa ūşyraǧan bolatyn.
