Qazaqstan Respublikasynyŋ Oqu-aǧartu ministrı qyzmetın atqarǧan Ǧani Beisembaev qyzmetınen bosatylǧan soŋ jelıde jazba jariialady, dep habarlaidy "Adyrna" ūlttyq portaly.
Eks-ministr Memleket basşysyna senım bıldırgenı üşın alǧys aityp, ūstazdar qauymyna rizaşylyǧyn jetkızdı. Onyŋ sözınşe, soŋǧy jyldary bılım beru salasynda bırqatar maŋyzdy bastamalar jüzege asqan.
"Prezidentımızdıŋ tıkelei qoldauynyŋ arqasynda pedagogterdıŋ eŋbekaqysy ekı ese köterılıp, «Pedagog märtebesı turaly» Zaŋ qabyldanyp, ekı jylda üş ūstazǧa «Eŋbek Erı» ataǧy berılıp, «Keleşek mektepterı» jobasy qolǧa alynǧany belgılı.
Osy jyldar ışınde jaŋa mektepter salumen qatar, mūǧalım märtebesı artyp, balalardyŋ qauıpsızdıgı küşeiıp, zamanaui baǧdarlamalar äzırlenıp, inkliuzivtı ärı teŋ bılım beruge ülken qadamdar jasaldy. Sondai-aq alǧaş ret mekteptegı bala tärbiesıne asa män berıp bıryŋǧai täsılderı bekıtıldı. Būl jetıstıkter Prezidenttıŋ tıkelei pärmenı men 600 myŋ pedagogtıŋ üzdıksız tökken mandai terınıŋ jemısı, bırlese atqarǧan ortaq jūmystyŋ jeŋısı.
Sol üşın de elımızdıŋ barlyq pedagogterı men ardager-ūstazdarǧa senım men qoldau bıldırgenderıŋız üşın şeksız rizaşylyǧymdy bıldıremın. Tabandylyqpen atqarǧan adal eŋbekterıŋız ısımızge quat berıp, şabyt syilap otyrdy. Sondyqtan da bız qabyldaǧan är şeşım bılım beru ūiymdarynda jaily ärı qauıpsız orta qalyptastyryp, mūǧalım qyzmetınıŋ märtebesı men maŋyzyn arttyra tüstı.
Osy oraida Prezident Äkımşılıgıne, Parlament pen Ükımet Apparatyna, sondai-aq ministrler men öŋır äkımderıne balalarymyzdyŋ qauıpsızdıgı men densaulyǧyna qatysty eŋ jauapty mäselelerdı şeşude qoldau körsetkenderıne airyqşa alǧysymdy bıldıremın", - dedı eks-ministr.
Beisembaev jaŋa mektepterdıŋ salynǧanyn, mūǧalım märtebesınıŋ artqanyn, balalardyŋ qauıpsızdıgı küşeigenın, zamanaui baǧdarlamalardyŋ äzırlengenın atap öttı.
"Sonymen qatar, QR Oqu-aǧartu ministrlıgınıŋ, vedomstvolyq baǧynysty ūiymdardyŋ, aimaqtyq bılım basqarmalary men bölımderdıŋ, oblystyq ädıstemelık jäne psihologiialyq ortalyqtardyŋ, balabaqşalar men mektepterdıŋ, kolledjderdıŋ qyzmetkerlerıne alǧys aitamyn.
Jaŋalyqtardyŋ jarşysy BAQ ökılderıne bılım salasynyŋ ötkır mäselelerın köterıp, tiımdı şeşımdı qabyldauǧa yqpal etkenderı üşın myŋ alǧys.
Osy uaqyt ışınde mūǧalım men mekteptıŋ senımdı serıgıne ainalǧan ata-analar men ükımettık emes ūiymdaryna şyn jürekten rizaşylyǧymdy bıldıremın. Mūndai ärıptestık bailanys mekteptegı balanyŋ myqty tūlǧa bolyp qalyptasuyna köp kömegın tigızgenı ras. Būl qarekettıŋ dästürlı jalǧasyn tabatynyna senemın", - dep jazdy ol.
Öz jazbasynda ol barlyq pedagogterge, ardager ūstazdarǧa, ministrlık pen aimaqtyq bılım basqarmalarynyŋ qyzmetkerlerıne, BAQ ökılderıne, ata-analar men ükımettık emes ūiymdarǧa qoldau körsetkenı üşın alǧys bıldırdı.
«Tärbie men bılım berudegı eŋ basty tūlǧa – bala bolsa, oǧan qyzmet etu bızdıŋ basty mūratymyz», – dep qorytyndylady Ǧani Beisembaev.
