Ärbır nysannyŋ qūrylysy qataŋ baqylauda tūr.
Oblys äkımı Nūralhan Köşerovtıŋ töraǧalyǧymen ötken keŋes otyrysynda qūrylys salasyndaǧy josparlanǧan jobalar pysyqtalyp, olardyŋ säulettık kelbetı men aimaqtyŋ damu strategiiasyna säikestıgı talqylandy. Jiynda tūrǧyn üi, turizm, mädeniet baǧytyndaǧy jaŋa nysandardyŋ jobalary ūsynyldy.
Oblys äkımı Nūralhan Köşerov jauapty basqarmalarǧa arhitekturalyq şeşımderde öŋırdıŋ erekşelıgı men ūlttyq naqyşty saqtai otyryp, zamanaui sifrlyq mümkındıkterdı keŋınen qoldanudy jüktedı.
– Öŋırde salynatyn nysandardyŋ eskizdık jobalaryn äzırleu barysynda jasandy intellekt mümkındıkterın tiımdı paidalanu kerek. Sonymen qatar jobalar zamanaui talaptarǧa sai, estetikalyq jäne funksionaldyq tūrǧydan üilesımdı boluy tiıs, – dedı Nūralhan Oralbaiūly.
Jeke investorlar «Jaŋa qala» möltek audany aumaǧynda tūrǧyn üi keşenderın salu, demalys aimaǧy bar qonaq üi salu, jaŋa meşıt aumaǧyna kommersiialyq nysandar salu jobalaryn tanystyrdy. Sonymen qatar oblys ortalyǧynan boi köteretın «Filormoniia» men qalalyq äkımşılık ǧimaratynyŋ säuletı körsetıldı. Odan bölek, Şardara jaǧajaiynyŋ aumaǧyn abattandyru jaiy talqylanyp, Tülkıbasta «Balyqköl» jobasyn ıske asyru boiynşa ūsynys aityldy.
Oblys äkımı ärbır jobanyŋ sapasyna, qoldanylatyn materialdarǧa, abattandyru jūmystaryna erekşe nazar audarudy tapsyrdy. Sonymen qatar jergılıktı tūrǧyndardyŋ ömır süru sapasyn arttyruǧa baǧyttalǧan jobalarda funksionaldyq pen qoljetımdılık maŋyzdy ekenın atap öttı. Jauapty tūlǧalarǧa ūsynylǧan jobalardy naqtylap, bekıtılgen merzımge säikes jüzege asyrudy tapsyrdy.
Ūqsas jaŋalyqtar
