Bügın Türkıstan qalasynyŋ äkımı Äzımbek Pazylbekūlynyŋ töraǧalyǧymen kezektı apparattyq mäjılıs öttı. Jiynǧa qala äkımınıŋ orynbasarlary, bölım basşylary men salalyq departament basşylary qatysty.
Kün tärtıbınde tūrǧyn üi salasyndaǧy özektı mäselelerdı şeşu, memlekettık baǧdarlamalardyŋ oryndalu barysy, köpqabatty tūrǧyn üilerdıŋ qūrylys sapasy jäne 2025–2026 jylǧy qysqy mausymǧa daiyndyq jūmystary qaraldy.
Alǧaşqy mäsele boiynşa tūrǧyn üi qatynastary jäne tūrǧyn üi inspeksiiasy bölımınıŋ basşysy Talǧat Myrzabaiūly baiandama jasap, jalǧa berıletın jäne subsidiiamen bölıngen päterlerge qatysty jyl basynan berı jürgızılgen tügendeu jūmystarynyŋ nätijesı men jylu mausymynda problemalyq jaǧdai jiı bolatyn tūrǧyn üilerdıŋ jai-küiın baiandady.
Osyǧan deiın, qala äkımınıŋ tapsyrmasyna säikes 1 jäne 2 möltek audandarda jylytu qūbyrlarynyŋ eskıruıne jäne jaramsyzdyǧyna bailanysty arnaiy jūmysşy top qūrylyp, zerdeleu jūmystarynyŋ nätijesınde retke keltırudı tapsyrǧan bolatyn.
Al Jaŋa qala şaǧyn audanyndaǧy köpqabatty 16 tūrǧyn üidıŋ jertölelerıne kürdelı jöndeu, 25 podezge aǧymdaǧy jöndeu, 8 şatyrǧa rekonstruksiia, 5 liftını auystyru jūmystary jürgızılude. Būl turaly qūrylys bölımınıŋ basşysy Nūrsūltan Mūrätılıūly köpqabatty tūrǧyn üilerdıŋ qūrylys sapasy, injenerlık jüielerdıŋ aqaulary, jäne tūrǧyndardan jiı tüsetın şaǧymdar turaly baiandamasynda mälımdedı. Qazırgı taŋda Türkıstan qalasynda memleket jäne jeke investisiia esebınen 37 tūrǧyn üidıŋ qūrylysy jürıp jatyr.
Äzımbek Pazylbekūly qūrylys sapasyna bailanysty naqty eskertuler jasap, ärbır üi boiynşa tehnikalyq saraptama jürgızudı, anyqtalǧan kemşılıkterdı 1 apta ışınde joiudy tapsyrdy.
Mäjılıstıŋ kün tärtıbındegı üşınşı mäsele boiynşa «Jylu» MKK basşysy Erǧazy Abdurahmanūly 2025-2026 jylǧy jylu mausymyna daiyndyq barysyn baiandady. Qalada jalpy 17 qazandyq pen 77 qazan, 56,243 şaqyrymdyq jylu jüiesı bar. Degenmen, tūrǧyndar men zaŋdy tūlǧalar tarapynan mekemege 86 mln teŋge bereşek bar. Onyŋ ışınde 77 mln – zaŋdy tūlǧalardan, 9 mln – jeke tūlǧalardan. Qala basşysy jylu jüielerınıŋ qauıptı uchaskelerın karta türınde jasap, jaŋǧyrtu josparyn ūsynudy, sondai-aq, tötenşe jaǧdailar kezınde jedel äreket etu algoritmın äzırleudı, generatorlarmen qamtamasyz etudı jäne apattyq brigadalardyŋ täulık boiy kezekşılıgın ūiymdastyrudy tapsyrdy.
Jiyn soŋynda qala äkımı barlyq sala basşylaryna berılgen tapsyrmalardyŋ zaŋ aiasynda jäne belgılengen merzımde oryndaluyn qataŋ baqylaudy jüktedı.
Ūqsas jaŋalyqtar
