İndoneziianyŋ Sidoardjo qalasynda ornalasqan «Al-Hozini» mektep-internatynyŋ ǧimaraty qirap, qaza tapqandar sany 14 adamǧa jettı, dep habarlaidy "Adyrna" ūlttyq portaly.
South China Morning Post basylymynyŋ jazuynşa qūtqaru jūmystary bırneşe künnen berı jalǧasyp jatyr. Auyr tehnika qoldanylmaǧandyqtan, ızdestıru qolmen jürgızılude. Aldyn ala mälımet boiynşa, ondaǧan adam älı de üiındı astynda qaluy mümkın. 4 qazanǧa deiın 103 adam qūtqarylǧan.
Alǧaşqy tergeu nätijesı ǧimarattyŋ sapasyz salynǧanyn anyqtady. Tıreuış baǧandar törtınşı qabattyŋ qosyluynan keiın auyrlyqqa şydamai qūlaǧan.
Qaiǧyly oqiǧa 30 qyrküiekte Iаva aralynyŋ şyǧysyndaǧy islamdyq mektep-internatta bolǧan. Iz-tüzsız ketkenderdıŋ basym bölıgı 7–11-synypta oqityn, jasy 12 men 17 jas aralyǧyndaǧy ūl balalar ekenı belgılı boldy.
Üiındı astynda älı de balalar boluy mümkın. Qaza bolǧandardyŋ tuystary da ızdeu jūmystaryna qatysuǧa niet bıldırgen.
Apattan üş kün ötken soŋ tırı qalǧandarǧa qatysty eşqandai belgı baiqalmaǧanymen, tuystary 59 balanyŋ tırı tabylatynyna älı de ümıttenıp otyr.
