Europalyq Odaq Reseidıŋ Ukrainaǧa qarsy qylmystary üşın Putindı sottaityn arnaiy tribunaldy qarjylandyruǧa alǧaşqy 10 million euro qarajat böldı, dep habarlaidy "Adyrna" ūlttyq portaly DW-ge sılteme jasap.
Būl turaly Kievke sapary barysynda EO-nyŋ syrtqy ıster jäne qauıpsızdık saiasaty jönındegı joǧary ökılı Kaia Kallas habarlady.
Onyŋ aituynşa, bölıngen qarjy tribunal jūmysyna jäne qylmys jasaǧandardy jazalauǧa baǧyttalady.
«Reseidıŋ Ukrainadaǧy soǧys qylmystary anyq. Eger mūndai äreketter jazasyz qalsa, jaŋa jauyzdyqtarǧa jol aşylady», – dedı Kallas.
Sonymen qatar, Euroodaq Ukrainaǧa qosymşa 6 million euro böledı. Būl qarajat Resei alyp ketken balalar men soǧys kezınde jynystyq zorlyq-zombylyqqa ūşyraǧan qūrbandardy qoldauǧa jūmsalmaq.
Arnaiy tribunal qūru turaly kelısım 25 mausymda Strasburgte Europa keŋesınıŋ Bas hatşysy Alen Berse men Ukraina prezidentı Vladimir Zelenskiidıŋ qol qoiuymen bekıtılgen. Tergeu 2014 jyldan bergı oqiǧalardy qamtidy.
Alaida halyqaralyq qūqyqqa säikes, tribunal Resei prezidentı Vladimir Putindı tergei alǧanymen, ony sottai almaidy. Sebebı memleket basşylary men joǧary lauazymdy tūlǧalar jeke immunitetke ie.
Mäskeu būl bastamany moiyndamai otyr. Kremldıŋ baspasöz hatşysy Dmitrii Peskov EO-nyŋ tribunal qūru josparyna qatysty: «Bız būl bastamaǧa eşqandai reaksiia bıldırmeimız», – degen.
Al Resei Qauıpsızdık keŋesı hatşysynyŋ orynbasary Aleksandr Venediktov arnaiy tribunaldy «europalyq halyqtyŋ aqşasyn iemdenudıŋ taǧy bır amaly» dep atady.
