Türkıstan qalasynda 18 dana qazandyq pen ūzyndyǧy 56,3 şaqyrymdy qūraityn ortalyqtandyrylǧan jylu jelısı jūmys ısteidı. 2024-2025 jyldardaǧy jylu beru mausymynan soŋ barlyq qazandyqtarda jäne jylu jüielerınde şaiu, qysymdau jūmystary tolyq kölemde atqarylyp, jaŋa mausymǧa daiyndyq jūmystary qarqyndy jürgızılude.
Qazırgı taŋda, jylu qazandyqtary 2025-2026 jyldardaǧy jylu beru mausymyna tolyq daiyn. Onyŋ ışınde 12 qazandyq Äkımşılık-ıskerlık ortalyq pen Otyrar şaǧyn audanyndaǧy köpqabatty tūrǧyn üiler men äleumettık nysandardy üzdıksız ystyq sumen qamtamasyz etıp otyr.
Sonymen qatar, sport, densaulyq saqtau, bılım beru, mädeniet jäne jūmyspen qamtudy üilestıru salalaryndaǧy barlyq biudjettık mekemelerdıŋ qazandyqtary tabiǧi gazǧa qosylǧan. Qala äkımınıŋ ökımımen arnaiy jūmysşy top qūrylyp, nysandardyŋ jai-küiın zerdeleu jūmystary jürgızıldı.
15 tamyz – 31 qyrküiek aralyǧynda jaŋa mausymǧa daiyndyq pasporttaryn räsımdeu jūmystary atqaryldy. Nätijesınde qazırgı taŋda 37 mektep, 28 memlekettık mekeme jäne 21 balabaqşa 2025-2026 jyldardaǧy jylu beru mausymyna daiyndyq pasporttaryn aldy.
Bügıngı körsetkışter boiynşa Türkıstan qalasynda jylu beru mausymyna daiyndyq jūmystary kestege sai jürgızılıp, qala tūrǧyndary men äleumettık nysandardy tūraqty jylumen qamtuǧa barlyq jaǧdai jasalǧan.
Ūqsas jaŋalyqtar
