Qazaqstanda qūldyqta bolǧan Özbekstannyŋ 10 azamaty elıne qaitaryldy. Būl turaly «Dune» aqparat agenttıgı jazdy, dep habarlaidy «Adyrna» tılşısı.
Syrty ıster ministrlıgınıŋ mälımdeuınşe, üş özbek azamaty Almatyda ornalasqan Özbekstannyŋ bas elşılıgıne jügıngen. Aryzdanuşylar olardy bır top jergılıktı tūrǧyn qūldyqta ūstap, jeke zattary men ūialy telefondaryn tartyp alǧanyn aitqan.
«Bas konsuldyq qyzmetkerlerı Almaty qalasy qūqyq qorǧau organdarynyŋ ökılderımen bırge Özbekstan azamattary ornalasqan jerge bardy. Azamattar Bostandyq audandyq polisiia bölımıne jetkızıldı. Qylmyskerlerge qatysty QR Qylmystyq kodeksınıŋ 389-baby boiynşa qylmystyq ıs qozǧaldy»,— dedı vedomstvo.Tergeu şaralary jürgızılıp, özbekstandyqtarǧa ūlttyq tölqūjattary men jeke zattary qaitarylǧan soŋ 1 tamyzda barlyq azamat Almaty-Taşkent baǧyty boiynşa avtovokzalǧa jetkızıldı. Şeteldıkter elderıne aman-esen oraldy.
