Pavlodarda kinologtar men qūtqaruşylar arnaiy avariialyq-qūtqaru jabdyqtaryn paidalanyp, qūrylys kezınde üiındı astyna ketken er adamnyŋ ornyn anyqtady, dep habarlaidy "Adyrna" ūlttyq portaly.
Qūtqaruşylar marqūmnyŋ denesın üiındı astynan şyǧaryp aldy. Aldyn ala mälımetke qaraǧanda, oqiǧa keşe saǧat 17:10-de bolǧan.
Qūrylys alaŋynda äkımşılık ǧimaratty jekemenşık mektepke qaita qūru jūmystary jürgızılıp jatqan. Üiındı astynda 1967 jyly tuǧan er adam qalǧany anyqtalǧan.
Oqiǧa boiynşa Pavlodar polisiiasy Qylmystyq kodekstıŋ «Qūrylys jūmystaryn jürgızu kezınde qauıpsızdık erejelerın būzu» baby boiynşa ıs qozǧady.
Qazırgı uaqytta barlyq jaǧdailardy anyqtau üşın tergeu äreketterı jürgızılude.
Ūqsas jaŋalyqtar
