Öskemendık jūmyssyz jastarǧa mümkındık!

2606
Adyrna.kz Telegram
https://adyrna.kz/content/uploads/2022/08/dsc_0169.jpg
Öskemen qalasyndaǧy Zerek ortalyǧynda 2 tamyz künı «Jastarǧa mümkındık!» taqyrybynda kezdesu öttı.  Is-şara QR Aqparat jäne qoǧamdyq damu ministrlıgı men Azamattyq bastamalardy qoldau ortalyǧynyŋ qoldauymen «Adyrna» ŪEB» QQ «Jastardy äleumettendıru jäne oŋaltu» jobasy aiasynda ūiymdastyryldy. Onda NEET sanatyndaǧy jastardy elımızdıŋ äleumettık-ekonomikalyq ömırıne tartu mäselelerı qarastyrylady. NEET sanatyndaǧy jastar arasyndaǧy qarym-qatynasty nyǧaityp, olardy damytu ideialaryn talqylap, jobalyq keŋse tarapynan jastarǧa kömek beru jäne käsıbi baǧdarlau türlerın zerttep, NEET jastarynyŋ qordalanǧan mäselelerınıŋ şeşu joldaryn qarastyruǧa baǧyttalǧan. Is-şaranyŋ maqsaty - jastardy jıgerlendıru, yntalandyru jäne olardyŋ şyǧarmaşylyq äleuetın damytu. Kezdesudıŋ basty spikerı - Öskemen qalasynda «Altyn Ūia» ziiatkerlık bılım beru ortalyǧynyŋ negızın qalaǧan käsıpker Erlan Baijıgıt. Onyŋ käsıbınıŋ Öskemen qalasy boiynşa 4 bölımşesı sättı qyzmet etıp tūr. Kezdesu barysynda ol bılım beru prosesıne jäne jūmyspen qamtuǧa tartylmaǧan jastarǧa mansap jäne jeke ösu üşın ömırlık daǧdylaryn damytudaǧy täjıribelerımen bölıstı.
"Käsıp tübı näsıp degendı qazaq beker aitpaǧan. Nege desek, bügınde jūmyssyz jastardyŋ denı köbeiıp kettı. Ökınıştısı köpşılıgınıŋ diplomy bar, bılıktılık qūjattary bar. Sonyŋ özınde ısterge jūmys tappai jür. Alaida osyndai jaǧdaida eşkımge baǧynbastan özıŋnıŋ jeke käsıbıŋdı döŋgeleter bolsaŋ, oasymen jüielı tünde jūmys jasaǧan adamǧa biznes qaşan da özınıŋ jemısın beredı. Sol sebeptı, memlekettık qazırgı taǧaiyndap jatqan qaitarymsyz grant, bastamalardy qoldau degen syndy jeŋıldıkterın paidalanyp öz käsıbıŋdı aşuyŋa bolady. Dūmys jasaimyn, ösemın, örkendeimın degen adamǧa, sözsız ekı qolǧa bır kürek tabylady" dedı Erlan myrza.
Sonymen qatar, pıkırtalas halyqty jūmyspen qamtu ortalyǧy, käsıpkerler palatasy, jastar resurstyq ortalyǧy syndy mekemelerdıŋ qatysuymen öttı. Onyŋ ışınde Öskemen qalasy äkımdıgınıŋ «Jastar resurstyq ortalyǧy» KMM direktory - Aidos Ädılbekūly Ädılbekov, Öskemen qalasy äkımdıgınıŋ «Halyqty jūmyspen qamtu ortalyǧy» KMM bılıktılıgı joǧary mamany – Gülnar Marksqyzy, ŞQO Käsıpkerler Palatasynyŋ qarjylyq emes qoldau bölımınıŋ basşysy – Aigül Marksqyzy Şakirova belsene qatysty.   Kezdesu barysynda bügıngı künı eŋbek naryǧyndaǧy qajettı mamandyqtar mäselesı jäne qai salany belsendı damytu kerektıgı, käsıpkerdıŋ boiyna qajettı daǧdylary, jastarǧa berılgen mümkındık pen sony qalai dūrys paidalanu kerektıgı jaiynda söz bolady.
Pıkırler