Astanada ötken maŋyzdy kezdesudıŋ nätijesı belgılı boldy, dep habarlaidy "Adyrna" ūlttyq portaly.
2026 jylǧy älem chempionatynyŋ Europa aimaǧy boiynşa ırıkteu kezeŋınıŋ J tobyndaǧy 9-tur matchynda Qazaqstan men Belgiia qūramalary 1:1 esebımen teŋ tüstı.
Oiyn Astanadaǧy «Astana-Arena» stadionynda öttı. Kezdesudı litvalyq töreşı Donatas Rumşas bastaǧan qazylar alqasy basqardy.
Kezdesudıŋ 9-minutynda Dastan Sätbaev däl soqqysymen Qazaqstan qūramasyn alǧa şyǧardy. Alaida üzılısten keiın belgiialyqtar eseptı teŋestıre aldy. 48-minutta qarsylas komandanyŋ oiynşysy Hans Vanaken gol soqty.
79-minutta el qūramasynyŋ oiynşysy İslam Chesnokov qyzyl qaǧaz aldy. Qazaqstan qūramasy matchynyŋ soŋyn on oiynşymen ötkızuge mäjbür boldy.
Būl nätijeden keiın Belgiia qūramasy 7 matchtan keiın 15 ūpai jinap, J tobynyŋ köşın bastady. Qazaqstan qūramasy 8 kezdesuden keiın 8 ūpai jinap, turnir kestesınde törtınşı orynda tūr.
Aldaǧy älem bırınşılıgıne 48 qūrama qatysady. Olar 12 topqa bölınedı. Är toptan alǧaşqy ekı oryn iegerlerı, sondai-aq üşınşı oryn alǧan üzdık segız komanda plei-off kezeŋıne joldama alady.
Bekarys Jandaulet
