Tálipterdiń “Omarı” korpýsynyń qolbasshysynyń orynbasary molla Djan Mohammad Hamza bir aptadan keıin Tájikstandy tálipter basyp alýy múmkin ekenin aıtty, dep habarlaıdy “Adyrna” ulttyq portaly.
“Tálipter korpýsy qolbasshysynyń orynbasary Dýshanbege Tájikstan Aýǵanstannyń ishki isterine aralasýyn toqtatpasa, al Reseı Tájikstannyń artynda turmasa, tálipter bul eldi bir aptanyń ishinde basyp alatynyn eskertti», - dep jazady basylym.
Bul málimdemeni mınıstrlerdiń biriniń qatysýymen Ian Mohammad Hamza jasady degen boljam bar. Qazir «Hasht Subh» basylymynda jarııalanǵan aqparattyń qanshalyqty ras ekeni belgisiz.
Buǵan deıin Sputnik Tájikstan agenttigi Tájikstan prezıdenti Emomalı Rahmonnyń lańkestik top eldi basqarýǵa qabiletsiz degen pikirin aıtqanyn habarlady.
«Ótken ýaqytta tálipter álemdik qoǵamdastyqty jáne Aýǵanstan halqyn óz bıliginiń zańdylyǵyna, eldegi jaǵdaıdy baqylaýǵa, azamattardyń qaýipsizdigin qamtamasyz etýge jáne qalyptasyp kele jatqan áleýmettik máseleler men ekonomıkalyq máselelerdi sheshýge qabilettiligine sendirý úshin naqty qadamdar jasaǵan joq.», - dedi Tájikstan prezıdenti.
”Adyrna” ulttyq portaly
