AQŞ ädılet ministrlıgı pedofiliia üşın sottalǧan Djeffri Epştein men Gislein Maksvell ısıne qatysty 3 millionnan astam qosymşa qūjatty jariialady, dep habarlaidy "Adyrna" ūlttyq portaly.
Būl turaly AQŞ Bas prokurorynyŋ orynbasary Todd Blanş mälımdedı.
Qūjattar prezident Donald Tramptyŋ 2025 jyly 19 qaraşasynda qol qoiǧan zaŋyna säikes jariialandy. Blanştyŋ aituynşa, būl 3 million betke 2 myŋnan astam beinejazba men 180 myŋ suret kırgen. Olardyŋ keibırı Epştein nemese oǧan jaqyn adamdar tüsırgen materialdar, al basym bölıgı onyŋ qūrylǧylarynan tärkılengen kommersiialyq pornografiiadan tūrady.
Jūmysqa Niu-Iorktıŋ üş okrugı men Floridadaǧy ädılet ministrlıgı, FTB jäne AQŞ prokuraturasynyŋ bölımşelerınen 500-den astam zaŋger men maman jūmyldyrylyp, qūjattardy jariialau üşın 75 kün jūmys ıstedı. Qyzmetkerler merekelık künderde de eŋbek ettı.
Bastapqyda jinalǧan materialdar kölemı 6 million betten asqan. Köp deŋgeilı tekserısten keiın olardyŋ 3 millionnan astamy ǧana jariialandy. Jeke derekter men medisinalyq jazbalar, balalarǧa qatysty zorlyq-zombylyq körınısterı jäne tergeuge ziian keltıruı mümkın materialdar jariialanbaǧan.
Jäbırlenuşılerdı qorǧau maqsatynda Gislein Maksvellden basqa äielderdıŋ fotosuretterı men beinelerı öŋdeldı. Er adamdardyŋ suretterı tek äielderdı jasyru üşın öŋdelgen. Sonymen qatar, ädılet ministrlıgı jäbırlenuşılerge pıkırler men sūraqtar qoiuǧa arnalǧan arnaiy elektrondyq poşta mekenjaiyn aşty.
